फ्लोरिडा (एजेन्सी)- विश्वप्रसिद्ध गेमिंग कम्पनी इलेक्ट्रोनिक आर्टस (इए) स्पोट्र्सले यस बर्षको फिफा २०१८ भिडियो गेम यहि सेप्टेम्बर २९ मा रिलिज गर्दैछ । हरेक वर्ष इएले यस गेमको नयाँ संस्करण सार्वजनिक गर्ने गरेको छ । वास्तविक खेल जस्तै भिडियो गेममा पनि फुटबल त्यतिनै लोकप्रिय रहेको छ । अघिल्लो वर्ष सर्वाधिक बिक्रि हुने इलेक्ट्रोनिक्स गेमको सूचीमा फिफा १७, ९औं स्थानमा रहेको थियो।

इएले यो वर्षको फिफामा सम्मिलित उत्कृष्ट १ सय खेलाडीको सुची पनि सार्वजनिक गरिसकेको छ । इएले यो बर्ष पनि ९४ रेटिङ सहित क्रिस्टियानो रोनाल्ड़ो नै पहिलो स्थानमा राखेको छ । लियोनल मेस्सी ९३ रेटिङ सहित दोस्रो स्थानमा छन् । नेयमार, नोयर र लुइस स्वारेज ९२ रेटिङ सहित संयुक्त रुपमा तेस्रो स्थानमा छन् ।

फिफामा खेलाडीहरुको रेटिंग गति, सुटिंग क्षमता, पास, ड्रीब्लिंग, डिफेन्स र शाररिक क्षमताका आधारमा तय गरिन्छ। फिफाले सबै भन्दा उच्च गतिमा सबै  भन्दा बढी रेटिंग डर्टमुण्डका फरवार्ड पिएरे एमेरिक अउबामियाँङ र स्पार्टा प्रागका जोनाथान बियाबियानीलाई दिएको छ। उनिहरुको गति ९६ रहेको छ। विश्वका दुई उत्कृष्ट खेलाडीहरु रोनाल्डो र मेस्सी तीब्र गति भएका खेलाडीहरुको सूचीमा उत्कृष्ट २०मा पर्न असफल भएका छन्।

उत्कृष्ट गति भएका खेलाडीहरु यस प्रकार छन्:

पिएरे एमेरिक अउबामियाँङ (डर्टमुण्ड)- ९६

जोनाथान बियाबियानी (स्पार्टा प्राग)- ९६

हेक्टर बेलारिन (आर्सनल)- ९५

माथिस बोली (ग्रयूथेर फुर्थ)- ९५

एरनेस्ट असान्ते (नर्दजेल्याण्ड)- ९५

योर्गेन ड्याम (टिग्रेस)- ९५

गारेथ बेल (रियल मड्रीड)- ९४

लेरोय साने (म्यानचेस्टर सिटी)- ९४

डेभिड अकाम (सिकागो फायर)- ९४

केकुटा माने (कोलम्बस क्रु)- ९४

जोनास अगुइर्रे (प्युब्ला)- ९४

गेल्सन मार्टिन्स (स्पोर्टिंग सिपी)- ९४

सादियो माने (लिभरपूल)- ९३

जोर्डी अल्बा (बार्सिलोना)- ९३

लुकास (पिएसजी)- ९३

मोहम्मद सलाह (लिभरपूल)- ९३

रहिम स्टरलिंग (म्यानचेस्टर सिटी)- ९३

गेरार्ड डेउलोफेउ (बार्सिलोना)- ९३

ब्रुमा (लेपजिग)- ९३

इनाकी विलियम्स (एथलेटिक बिल्बाओ)- ९३