लण्डन (एजेन्सी) – युरोपा लिगमा ‘डेब्यु’ गरिरहेको इङ्ग्लिस टोली आर्सनलले पहिलो खेलमा जर्मनीको एफसी कोलोनलाई ३-१ ले हराएको छ । आर्सनलको जितमा सिड कोलासिनाच, एलेक्सिस सान्चेज र हेक्टर बेलेरिनले गोल गरेका थिए ।

२५ वर्ष पछि कुनै युरोपेली प्रतियोगिता खेलिरहेको कोलोनलाई आर्सनलले २९ सयका लागि ठाँउ सुरक्षित राखेपनि लगभग २० हजार कोलोनका समर्थक खेल हेर्न लण्डन आइपुगेका थिए । कोलोनका समर्थकहरुले खेल सुरु हुनअघि अराजकता प्रदर्शन गरेपछि खेल नियमित समयभन्दा १ घण्टा ढिलो सुरु भएको थियो ।

खेलको सुरुमै भने कोलोन आर्सनलमाथि हावी देखिएको थियो । गोलरक्षक डेभिड ओस्पिना अगाडि बढेको मौका छोपेर ४५ यार्ड ताढाबाट जोन कोर्डोबाले गोल गर्दै खेलको ९ मिनेटमै कोलोनलाई अग्रता दिलाएका थिए । पहिलो हाफमा खेलमा फर्किने कैयौं प्रयास गरे पनि आर्सनल असफल भएको थियो ।

दोस्रो हाफको सुरुवातमै परिवर्तित खेलाडि सिड कोलासिनाचले बक्स भित्रबाट गरेको बलियो प्रहारमार्फत आर्सनल खेलमा फर्काउन सफल रह्यो । त्यस्तै ६७ औँ मिनेटमा सान्चेजले डि-बक्स छेऊबाट सुन्दर गोल गर्दै आर्सनललाई खेलमा अग्रता दिलाएका थिए । त्यसैगरी थियो वालकटको प्रहारको फाइदा उठाउँदै हेक्टर बेलेरिनले गरेका तेस्रो गोल आर्सनलको जितको लागि पर्याप्त भयो ।

आर्सनल रहेको समूह एचको अर्को खेलमा भने रेड स्टार बेल्ग्रेड र बेट बिरोसोभले १-१ को बराबरी खेले । त्यस्तै गएराति भिलारियलले एफसि एस्टानामाथि ३-१ को जित निकाल्यो । एसी मिलानले पनि अष्ट्रिया भेनामाथि ५-१ को सहज जित दर्ता गर्यो । अर्को इङ्ग्लिस टोली एभर्टन भने एटालान्टाविरुद्ध ३-० ले पराजित हुन पुग्यो ।

गए राति खेलिएका अन्य खेलहरुको नतिजा –

स्लाभिया प्राग १-० माकाबि तेल-अभिभ

हेर्था ०-० एथ्लेटिक बिलबाओ

जोर्या लुहान्स्क ०-२ ओस्टरसन्ड्स

जुल्टे वारेगेम १-५ निस

भिटेस २-३ लाजियो

रियल सोसिडाड ४-० रोजेनबर्ग

भार्डार ०-५ जेनिट सेन्ट पिटर्सबर्ग

डायनामो कियभ ३-१ स्केनडरब्यु

योङ्ग् बोइज १-१ पार्टिजान बेलग्रेड

इस्तानबुल बासाकसेहिर ०-० लुडोगोरेट्स

होफनह्याम १-२ स्पोर्टिङ ब्रागा

एचएनके रिजेका १-२ एईके एथेन्स

एपोल्लोन लिमास्सोल १-१ लियोन

एफसी कोपनहेगन ०-० लोकोमोटिभ मस्को

ज्लिन ०-० सेरिफ टिरास्पोल

स्टेओ बुकारेस्ट ३-० भिक्टोरिया प्लिजेन

हापोएल बेअर शेभा २-१ लुगानो

मार्से १-० कोन्यास्पोर

भिटोरिया गुइमारेस १-१ रेड बुल साल्जबर्ग