काठमाडौं (हाम्रो खेलकुद) – साफ यू १५ च्याम्पियनसिप फुटबल प्रतियोगितामा दोस्रो स्थान हासिल गरेको नेपाली टोलीलाई अखिल नेपाल फुटबल संघ (एन्फा) ले नगद पुरस्कार दिने भएको छ । एन्फा अध्यक्ष नरेन्द्र श्रेष्ठको अध्यक्षतामा आज बसेको केन्द्रिय समिति बैठकले युवा टोलीका खेलाडी, प्रशिक्षक, व्यवस्थापक, फिजियोलाई जनही २५ हजार रुपैयाँ दिने निर्णय गरेको छ ।

एन्फा कम्प्लेक्सको एस्ट्रो टर्फमा भदौं ११ गते भएको च्याम्पियनसिपको फाइनलमा नेपाल भारतसँग २–१ ले पराजित भएको थियो । दुई बर्षअघि भारतलाई नै हराएर पहिलो साफ यू १९ च्याम्पियनसिपको उपाधि जितेको नेपालले यू १५ र यू १६ मा भने हराउन सकेको छैन । अहिले सम्म पाँच पटकको भेटमा नेपाल सबैमा पराजित भएको छ । यसपटक समूह चरणमा पनि नेपाल भारतसँग २–१ ले नै पराजित भएको थियो ।

नेपाली यू १५ टोली
खेलाडी – रोशन रानामगर (कप्तान), रोहित कार्की, रोशन दोङ, दिपक भण्डारी, सन्जिव अर्याल, निरज चौधरी, रन्दिप पौडेल, विपिन थापामगर, अभिषेक श्रेष्ठ, विर्जेश चौधरी, रन्जन पुन,अन्जल महर्जन, अहसिम गुरुङ, दर्शन गुरुङ, कार्लोश बखारियाम्फ, विशाल सुनार, सौगात खवास, आकाश बुढामगर, शिशिर लेखी, रोशन थापा, सुबास कार्की, निशान रावल र अशोक किङरिङ ।

प्रशिक्षक – सुनिल श्रेष्ठ (मुख्य), विकास मल्ल (गोलकिपिङ)
व्यवस्थापक – रविन्द्र जोशी
अफिसियल – अच्युतराज घिमिरे
फिजियो – राजु दाहाल