बार्सिलोना (एजेन्सी) – विश्व क्लब फुटबलको सबैभन्दा ठुलो प्रतियोगिता युइएफए च्याम्पियन्स लिगको नयाँ सिजन आजबाट शुरु हुदैछ ।नयाँ सिजनको समूह चरणको पहिलो खेलमै स्पेनिस क्लब बार्सिलोनाले इटालियन क्लब युभेन्टसलाई घरेलु मैदानमा निम्त्याउदैछ ।

यी दुई क्लब अघिल्लो सिजनमा सेमिफाइनलमा प्रतिस्पर्धा गरेका थिए । जसमा इटालियन क्लब युभेन्टसले बाजी मारेको थियो । समूह ‘डी’ मा रहेको बार्सिलोना र युभेन्टसबीचको खेल आज राति १२ः३० बजेपछि शुरु हुनेछ । पछिल्लो तीन सिजनमा दुईपटक फाइनलमा पुग्न सफल भएको मासिमिलियानोको युभेन्टस बार्सिलोनालाई घरेलु मैदानमा रोक्ने रणनीतिमा हुनेछ ।

‘पछिल्लो तीन सिजन हाम्रो लागि निकै उत्कृष्ट रह्यो । हामीले उपाधि जिन्त त सकैनौ । तर, लगातार तीन सिजन च्याम्पियन्स लिगको फाइनलमा पुग्नु पनि क्लबको लागि ठूलो सफलता हो ,’ प्रशिक्षक एलेग्रीले भने ,‘ तर, दुईपटकको फाइनलिष्ट युभेन्टस आफ्ना मुख्य ६ खेलाडीविनै नोउ क्याम्पमा उत्रदैछ । जर्जियो चिलीयानी, सामी खेडिरा, कलाउडियो मार्चिसियो, बेनेडिक्ट, मारियो मान्जुकिकले चोटका कारण बार्सिलोना भ्रमण गरेका छैनन् भने प्रतिबन्धका कारण जुवान कोर्डाडोले खेल गुमाएका हुन् ।

युभेन्टस अघिल्लो सिजनको फाइनलमा अर्को स्पेनिस क्लब रियल म्याड्रिडसँग ४–१ ले पराजित भएको थियो । सन् २०१५ मा बार्सिलोनासँग पराजित भएको थियो । यता, यस सिजन आफ्ना मुख्य खेलाडी नेयमारलाई गुमाएको बार्सिलोना युभेन्टसमाथि बदला लिने लक्ष्यका साथ उत्रनेछ । बार्सिलोना अघिल्लो सिजन सेमिफाइनलमा ४–२ ले पराजित भएको थियो ।

यस्तै समूह ‘डी’ कै अर्को खेलमा ओलम्पियाकोसले स्पोर्टिङ लिस्वनसँग खेल्दैछ । यस्तै च्याम्पियन्स लिगको समूह ‘बी’ को खेलमा फ्रान्सको लिग वान क्लब पेरिस सेनट जर्मेन (पिएसजी) ले सेल्टिकसँग खेल्दैछ । यसै सिजन कीर्तिमानी रकममा ब्राजिलका नेयमारलाई क्लबमा अनुबन्ध गरेको पिएसजीले फ्रान्सका केलियन बाप्पेलाई पनि मोनाकोबाट लोनमा क्लबमा अुनबन्ध गरेको छ । यस्तै जर्मन च्याम्पियन बायर्न म्युनिखले एन्डरलेकसँग खेल्दैछ ।
च्याम्पियन्स लिगका अन्य खेलहरु

समूह ‘ए’ का खेल
बेन्फिकका विरुद्ध सिएसके मस्को
म्यानचेष्टर युनाइटेड विरुद्ध एफसी बसेल
समूह ‘सी’
चेल्सी विरुद्ध क्वाराबाग एफसी
रोमा विरुद्ध एथलेटिको म्याड्रिड