जेसिज कपको उपाधि मनाङलाई

काठमाडौं (हाम्रो खेलकुद) – मनाङ मस्र्याङ्दी क्लवले प्रथम जेसिज कप फुटवलको उपाधी जितेको छ । सोमवार नारायणगढको क्याम्पाचौरमा भएको फाईनलमा विभागिय टोली शशस्त्र प्रहरी वल एपिएफलाई २-१ ले पराजीत गर्दै उपाधिसँगै नगद ३ लाख ५० हजार रुपैया पाएको हो ।

उपविजेतामा चित्त वुझाएको एपिएफले ट्रफीसंगै नगद १ लाख ७५ हजार प्राप्त गर्यो । फाईनल प्रतिस्पर्धामा मनाङले पहिलो हाफमा २-० को अग्रता लिएको थियो । एपिएफले पहिलो हाफमा गोल गर्ने केही अवसरलाई सदुपयोग गर्न सकेन् ।

मनाङका लागि पहिलो हाफको १९ र ४० औं मिनेटमा सुजल श्रेष्ठले गोल गरे । दोश्रो हाफमा आक्रमक रुपमा प्रस्तुत भएको एपिएफका लागि ६४औं मिनेटमा हरी कार्कीले गोल गरे पनि त्यो अपर्याप्त रह्य ।

खेलमा एपिएफका हरी कार्की प्लेयर अफ दि म्याच घोषित हुदै नगद ५ हजार पाए । प्रतियोगिताको प्लेयर अफ दि सिरिज मनाङका सुजल श्रेष्ठले प्राप्त गरे ।