दिपक न्यौपाने

रुपन्देही – रुपन्देहीको कुन्जलापुरमा सन्चालन भैरहेको ३१ औ झरना रनिङ शिल्ड नकआउट फुटबल प्रतीयोगीतामा शनिबार सम्पन्न खेलमा आयोजक झरना स्पोर्टस क्लब कुन्जलापुर बिजयी भएको छ । आयोजकले जनज्योती युवा क्लब डिङगनगरलाइ ३ —२ ले पाखा लगायो ।

निकै प्रतीस्पर्धात्मक खेलमा आयोजकका लागी बिबेक पाण्डेले २ गोल गरे भने एक गोल बिबेक पुनको नाममा रह्यो । उता जनज्योतीको लागी अमित सुनारले एक गोल गरेका थिए भने पाहुना टिमले एक आत्मघाती गोल पाएको थियो । खेलमा आयोजक झरना स्पोर्टस क्लबका उदयमान युवा खेलडी बिबेक पुन म्यान अफ दी म्याच घोषीत भए ।

झरनाले यहि ३० गते हुने क्वाटरफाइनलमा सौभाग्य युवा क्लब बुटवलसग प्रतीस्पर्धा गर्ने छ । प्रतीयोगीतामा भोली आइतबार गतबर्षको बिजेता गोर्खा ब्याइजले लिस्नु युवा क्लब कोटीहवासग प्रतीस्पर्धा गर्ने क्लबका अध्यक्ष लोक पुनले जानकारी दिए । असोज ६ गतेसम्म चल्ने प्रतीयोगीतामा रुपन्देही कपिलबस्तु र नवलपरासीका गरी १६ टिमको सहभागीता रहेको छ ।

३१ औ संस्करणको बिजेताले नगद १ लाख ५० हजार ,दोस्रोले ८५ हजार तथा सेमीफाइनलीस्ट दुइ टिमले १०,१० हजारका साथै शिल्ड र मेडल प्राप्त गर्नेछ । खेल उमा निमाबीको खेल मैदान कुन्जलापुरमा सन्चालन भैरहको छ ।