काठमाडौं (हाम्रो खेलकुद)- रसियाको मस्कोमा अर्को बर्ष आयोजना हुने अनाथ तथा सडक बालबालिकाको विश्वकपमा नेपालको प्रतिनिधित्व गर्नका लागि २६ खेलाडीको प्रारम्भिक छनोट भएको छ । सेल्टर आश्रय नेपालले राष्ट्रिय अनाथ तथा सडक बालबालिका राष्ट्रिय फुटबल लिग आयोजना गर्दै प्रारम्भिक २६ जना खेलाडी छनोट गरेको हो ।

छनोट भएका खेलाडीहरुमा अशोक नेपाली (थ्री एन्जल्र्स), सचिन विश्वकर्मा (थ्री एन्जल्र्स), जिवित कुश्मा थारु (थ्री एन्जल्र्स), सन्जु बादी (थ्री एन्जल्र्स), विशाल बादी (थ्री एन्जल्र्स), राजु बादी (थ्री एन्जल्र्स), सुनिल बादी (थ्री एन्जल्र्स), रमेश शाह (नेपाल बाल मन्दिर), हर्ष ठकुरी (नेपाल बाल मन्दिर), सन्तोष खत्री (नेपाल बाल मन्दिर), कुमार लामा (खुसी नेपाल), विराज श्रेष्ठ (खुसी नेपाल), एरोन कार्की (खुसी नेपाल), रोशन भुजेल (खुसी नेपाल), मनविर लामा (खुसी नेपाल), खेम राज रिमाल (प्रयास ओसिड), राजु वन (प्रयास ओसिड), रोशन कामी (प्रयास ओसिड), सन्तोष राई (सेल्टर आश्रय नेपाल), सुजन परियार (सेल्टर आश्रय नेपाल), विक्रम मल्ल (लाइट हाउस फाउण्डेसन), अर्जुन रोका मगर (लाइट हाउस फाउण्डेसन), विशाल सिटौला (सोबर रिकभरी), पवन शाही (एक्सन लभ नेपाल), उब्जन काकी (सांग्रिला) र विकेश तिमल्सिना (सांग्रिला)

रसियाको मस्कोमा आयोजना हुने स्ट्रिट चिल्ड्रेन वल्र्डकप २०१८ को लागि खेलाडी छनोट गर्ने उद्धेश्यले आयोजना गरिएको राष्ट्रिय अनाथ तथा सडक बालबालिका फुटबल लिगको उपाधि थ्री एन्जल्र्सले जितेको छ । पोखराको थ्री एन्जल्सले नेपाल बालमन्दिरको ‘बी’ टिमलाई ४–१ ले पराजित ग¥यो । यस्तै प्रयास ओसिडले खुशी नेपाललाई पराजित गर्दै तेस्रो स्थान हात पार्यो।

प्रतियोगितामा आठ गोल गरेका थ्री एन्जल्र्सका सचिन विश्वकर्मा सर्वाधिक गोलकर्ताबाट सम्मानित भए । थ्री एन्जल्र्सकै विशाल बादी सर्वोत्कृष्ट खेलाडी घोषित भए। विजयी टिम तथा खेलाडीलाई राष्ट्रिय खेलकुद परिषद्का सदस्य सचिव केशब कुमार विष्ट लगायतले पुरस्कार वितरण गरे ।