भद्रपुर (हाम्रो खेलकुद)– प्रथम इ प्लानेट जेसिस कप फुटबल प्रतियोगिताको चौथो दिन पनि ए डिभिजन क्लब स्तब्ध हुने क्रम रोकिएको छैन । अर्को ‘ए’ डिभिजन टोली हिमालयन शेर्पा क्लब पनि जेसिस कपबाट बाहिरिएको छ ।

झापा ११ फुटबल टोली । फाइल तस्बिर

नारायणगढको क्याम्पाचौरमा जारी प्रतियोगितामा आज राष्ट्रिय लिग खेलेको झापा ११ सँग बुधबार ३–१ ले पराजित हुँदै हिमालयन शेर्पा प्रतियोगिताबाट बाहिरिएको छ । झापाको जितमा कर्ण लिम्बु, बुद्ध चेम्जोङ र योगेश गुरुङले गोल गरेका थिए । यो जितपछि झापा क्वार्टरफाइनल पुगेको छ । शनिबार सुरु भएको प्रतियोगिताको दोस्रो दिन ए डिभिजन क्लब फ्रेन्ड्स र हिजो नेपाल पुलिस क्लब पराजित हुँदै बाहिरिसकेका छन् ।

दिलसान लोख्तामको आत्मघाती गोलबाट पाँचौं मिनेटमा झापा खेलमा पछि परेको थियो । तर टोलीले छिट्टै खेलमा पुनरागमन गरेको थियो । कर्णले १८ औं मिनेटमा बराबरी गोल फर्काएका थिए । ५८ औं मिनेटमा बुद्धले ५८ औं मिनेटमा गोल गर्दै अग्रता दिलाएका थिए । खेल सकिन १४ मिनेट बाँकी रहँदा झापाले अर्को गोल थपेको थियो । योगेशले पेनाल्टीमा गोल गरेका थिए । हिमालयनका गोलकिपर एलन न्यौपानले कर्णलाई पेनाल्टी बक्समा लडाएपछि झापाले पेनाल्टी पाएको थियो ।

बुद्ध खेलको म्यान अफ द घोषित भए र उनले ५ हजार रुपैयाँ प्राप्त गरे । चितवनका प्रमुख जिल्ला अधिकारी नारायण भट्टले बुद्धलाई पुरस्कार हस्तान्तरण गरे । सुदूर पश्चिम र हेटौडा विजय युथ क्लब जेसिस कपको सेमिफाइनलमा पुगिसकेका छन् । १० टोलीको सहभागिता रहेको प्रतियोगिताको विजेताले ३ लाख ५० हजार तथा दोस्रो हुने टोलीले १ लाख ७५ हजार रुपैयाँ प्रँप्त गर्नेछन् ।

जेसिस कपमा बुधबारको खेल एपिएफविरुद्ध पोखरा ११