काठमाडौं (हाम्रो खेलकुद)– ११ औं दक्षिण एसियाली खेलकुद (साग) का स्वर्ण पदक विजेता सुनिल लामाको अध्यक्षतामा अमेरिकामा नेपाल राष्ट्रिय तथा अन्तर्राष्ट्रिय खेलाडी संघको शाखा गठन भएको छ । संघका केन्द्रिय अध्यक्ष दीपक श्रेष्ठ र निर्वतमान अध्यक्ष दीपक विष्टको उपस्थितिमा अमेरिका शाखा गठन भएको हो ।

संघको शाखा उपाध्यक्षमा तेक्वान्दोकी पद्मा गुरुङ र फुटबलकी तुलासा सिंह, सचिवमा फुटबलका पर्वत पाण्डे कोषाध्यक्षमा तेक्वान्दोका पुष्प थापामगर रहेका छन् । त्यस्तै सदस्यमा फुटबलका प्रलय राजभण्डारी, रमेश कटुवाल, उषा भण्डारी, लक्ष्मी पौेडेल, कराते ज्ञानु सुनुवार र तेक्वान्दोकी विमा राई सदस्य छन् ।

खेलमार्फत राष्ट्रलाई योगदान दिएका खेलाडीको हक हित संरक्षण गर्न र एकिकृत गर्ने उद्देश्यका साथ शाखा गठन गरिएको बताइएको छ । भेलामा २८ पूर्व राष्ट्रिय खेलाडीको सहभागिता रहेको खेलाडी संघका अध्यक्ष श्रेष्ठले जानकारी दिए । शाखा गठन भएकोमा खुसीयाली व्यक्त गर्दै अध्यक्ष श्रेष्ठले हाम्रो खेलकुद डटकमलाई भने ‘खेलाडी संगठित हुँदा एकअर्कालाई अप्ठेरो पर्दा सहयोग गर्नका लागि र भोलीका दिनमा नेपाली खेलकुद पनि सहयोग गर्न सक्ने सम्भावना रहन्छ ।’

केहि साताअघि क्यानाडा पुगेका श्रेष्ठ शाखा गठनका लागि आइतबार अमेरिका पुगेका थिए । निवर्तमान अध्यक्ष विष्ट पनि केही सातादेखि अमेरिकामा रहेका छन् । दुवै जान भोली स्वदेश फर्कनेछन् । अमेरिकाको शाखा खेलाडी संघको दोस्रो विदेशी शाखा हो । यसअघि बेलायतमा खेलाडी संघको शाखा गठन भएको थियो ।