भरतपुर (हाम्रो खेलकुद )-राष्ट्रियस्तरको फुटबल प्रतियोगिता ‘जेसीज कप–२०७४’ को शनिबार भएको पहिलो खेलमा विजयी हुँदै सुदुर पश्चिम ११ सेमिफाइनल प्रवेश गरेको छ । चितवन ११ लाई शुन्यका विरुद्ध ४ गोलले पराजित गर्दै अन्तिम चारमा प्रवेश गरेको छ ।

पहिलो हाफमा दुई गोल गरेको सुदुरपश्चिमले दोस्रो हाफमा थप २ गोल गरेको थियो । घरेलु मैदान क्याम्पाचौरमा चितवनको टिमले मध्यम प्रदर्शन गरेको थियो । केही अवसरहरु चितवनले गुमाएको थियो ।

सुदरपश्चिमका लागि खेलको नछौं मिनेटमा कप्तान प्रनय अन्जनले र पहिलो हाफको इन्जुरी टाइममा अब्दुलले गोल गरेका थिए । त्यस्तै खेलको ६७ औ मिनेटमा पुन अब्दुलले गोल गरे । त्यस्तै अन्तिम गोल खेलेको ७१ औं मिनेटमा राम सिंह रानाले गोल गरेपछि सुदुर पश्चिम सजिलै विजयी भएको हो । खेलको म्यान अफ दि म्याच दुई गोल गर्न सफल अब्दुल भए । उनले नगद ५ हजार प्राप्त गरे ।

आइतबारको खेल विजय युथ हेटौंडा र फ्राइण्डस क्लव काठमाडौंबीच हुने आयोजकले जनाएको छ ।

प्रतियोगितामा कूल १० वटा टिम सहभागी छन् । तिनलाई दुई समूहमा विभाजन गरिएका छन् । समूह ‘क’ मा चितवन–११, सुदूरपश्चिम–११, नेपाल पुलिस क्लब, सशस्त्र प्रहरीको एपीएफ क्लब र पोखरा–११ रहेका छन् भने समूह ‘ख’ मा फ्रेन्ड्स क्लब, हिमालयन शेर्पा क्लब, झापा–११, विजय युथ क्लब हेटौंडा र मनाङ मस्र्याङ्दी छन् ।