प्रेग (एजेन्सी) – विश्व कप युरोपियन छनोट अन्तर्गत गए रातिको खेलमा जर्मनीले घरेलु टोली चेक रिपब्लिकलाई २-१ ले हराएको छ । खेल सकिन २ मिनेट बाँकी हुँदा म्याट्स हमेल्सको निर्णायक गोलमा जर्मनीले समूह चरणको आठौं जितसँगै रुस विश्व कपमा छनोट हुने सम्भावना बलियो बनाएको हो ।

विश्व वरियतामा दोस्रो स्थानमा रहेको जर्मनीका लागि टिमो वार्नरले चौथौ मीनेटमा गोल गर्दै अग्रता दिलाएका थिए । आर्सनलका मिडफिल्डर मेसट ओजिलको पासमा वार्नरले गोल गरेका थिए । घरेलु टोलीका लागि भ्लाडिमिर डारिडाले उत्कृष्ट गोल गर्दै ७८ औं मिनेटमा बराबरी गरेपनि हमेल्सले ८८ औं मिनेटमा हेड मार्फत गोल गर्दै जर्मनीलाई जित दिलाएका थिए ।

छनोट अन्तर्गत समूह ‘एफ’ को खेलमा शीर्षस्थानको इङ्ल्याण्डले पुछारको माल्टामाथि ४-० को सहज जित हासिल गर्यो । माल्टाको घरेलु मैदानमा भ्रमणकारी टोलीलाई पहिलो हाफमा गोल रहित रोकेपनि दोस्रो हाफमा ह्यारी केनको २ गोल तथा रायन बर्टरान्ड र ड्यानि वेल्ब्याकले गोल गरे ।

अन्य खेलहरु

काजाकिस्तान ०-३ मोन्टेनेग्रो – ९.४५ बजे

डेनमार्क ४-० पोल्यान्ड – १२.३० बजे

रोमानिया १-० अर्मेनिया – १२.३० बजे

स्लोभाकिया १-० स्लोभेनिया – १२.३० बजे

लिदुआनिया ०-३ स्कटल्यान्ड – १२.३० बजे,

सान मारिनो ०-३ उत्तर आयरल्यान्ड – १२.३० बजे

नर्वे २-० अजरवैजान – १२.३० बजे