8 years ago
August 31, 2017
भरतपुर (हाम्रो खेलकुद) – चितवन ११ र सुदूरपश्चिमाञ्चल ११ को प्रतिस्पर्धा सँगै शनिबार नारायणगढमा राष्ट्रियस्तरको फुटबल प्रतियोगिता ‘जेसीज कप–२०७४’ सुरु हुने भएको छ । आयोजकले आज पत्रकार सम्मेलन आयोजना गदै प्रतियोगिताको सबै तयारी पुरा भएको जानकारी दिएको छ ।
५ ए डिभिजन क्लबसहित १० टोलीले भाग लिने प्रतियोगिताका टोलीलाई दुई समूहमा राखिएको छ । जसमा समूह ‘क’ मा चितवन–११, सुदूरपश्चिम–११, नेपाल पुलिस क्लब, सशस्त्र प्रहरीको एपीएफ क्लब र पोखरा–११ रहेका छन् । त्यस्तै समूह ‘ख’ मा फ्रेन्ड्स क्लब, हिमालयन शेर्पा क्लब, झापा–११, विजय युथ क्लब हेटौंडा र मनाङ मस्र्याङ्दी छन् ।
प्रतियोगिताका लागि मैदान निर्माण कार्य सकिएको र अरु व्यवस्थापनको काम पनि अन्तिम चरणमा पुगेको आयोजक नारायणगढ जेसीजका अध्यक्ष बाबुराम रामदामले बताए । प्रतियोगिताका लागि क्याम्पाचौर मैदानको मर्मत गरिएको उल्लेख गर्दै प्रतियोगिताका संयोजक अमृत श्रेष्ठले प्रचारप्रसार, टिकट व्यवस्थापन, खेलाडीलाई आवास व्यवस्थापनका गरि १४ वटा उपसमिति गठन गरिएको जानकारी दिए ।
राष्ट्रिय खेलकुद परिषद्का सदस्य सचिव केशव विष्टले प्रतियोगिताको उद्घाटन गर्ने नारायण जेसीजका महासचिव अनोज जोशीले जानकारी दिए । १० दिनसम्म चल्ने प्रतियोगिताको विजेताले उपाधिसहित ३ लाख ५० हजार र दोस्रोले १ लाख ७५ हजार पाउने छन् । पत्रकार सम्मेलनमा सल्लाहकार समिति संयोजक जयराम श्रेष्ठले यो प्रतियोगिता चितवन जिल्लाकै सान भएको भन्दै सफल बनाउन सबै लाग्नुपर्ने बताए ।
प्रतियोगिता अवधिभर दर्शकका लागि क्वार्टरफाइनलसम्म रु. ५० र रु. १०० का तथा त्यसपछिका खेलमा रु. १०० र रु. २०० को टिकट दर तोकिएको जानकारी गराइयो । प्रतियोगिताबाट बचत भएको रकमबाट नारायणगढ जेसीजले यसअघि नै बनाइदिएको १४ वटा घरका परिवारका सदस्यका लागि शैक्षिक तथा आर्थिक विकासमा सहयोग गरिने प्रचारप्रसार समिति संयोजक अर्जुन अधिकारीले जानकारी दिए ।
March 18, 2025
काठमाडौं (हाम्रो खेलकुद) – भारतको अरुणाचल प्रदेशमा हुने साफ यू-१९ पुरुष च्याम्पियनसिपको खेल तालिका सार्वजनिक भएको छ । नेपालले आफ्नो पहिलो खेल वैशाख २८ मा श्रीलङ्कासँग खेल्नेछ । दोस्रो खेलमा नेपालले चिरप्रतिद्वन्द्वी भारतको सामना वैशाख ३० गते गर्नेछ । नेपाल समूह ‘बी’ मा भारत र श्रीलङ्कासँग रहेको छ । समूह ‘ए’ मा बङ्गलादेश, माल्दिभ्स र […]
March 18, 2025
काठमाडौं (हाम्रो खेलकुद) – अन्तराष्ट्रिय मैत्रिपूर्ण खेल र एएफसी एसियन कप छनोट खेल्ने नेपाली राष्ट्रिय फुटबल टिमलाई बिदाई गरिएको छ । राष्ट्रिय खेलकुद परिषदका सदस्य सचिव टंकलाल घिसिङ तथा एन्फा अध्यक्ष पंकज विक्रम नेम्वाङ लगायतका पदाधिकारीहरूले नेपाली टिमलाई सफलताको शुभकामना दिँदै बिदाई गरे । नेपाली टोली आज नेपालबाट प्रस्थान गरेर मलेसिया ट्रान्जिट हुँदै भोली सिंगापुर […]
March 18, 2025
काठमाडौं (हाम्रो खेलकुद)- नेपाली राष्ट्रिय महिला फुटबल टोलीकी कप्तान एवम् गोलकिपर एन्जिला तुम्बापो सुब्बाको वास्तविक जीवन कथामा आधारित फिल्म ‘अञ्जिला’ फिल्म हेर्न अखिल नेपाल फुटबल संघ (एन्फा) ले आफू मातहतका निकायलाई अनुरोध गरेको छ। एन्फाले सोमवार सामूहिक पत्राचार गर्दै आफूसँग आबद्ध सबै ७ प्रदेश, ४८ जिल्ला संघ, ४ (खेलाडी, प्रशिक्षक, महिला, रेफ्री) संघ, ए,बी, सी […]