पेरिस (एजेन्सी) – विश्व कप युरोपियन छनोट चरणअन्तर्गत आज फ्रान्सले नेदरल्याण्ड्सलाई निम्त्याउँदै छ । समूह ‘ए’ मा तेस्रो स्थानमा रहेको नेदरल्याण्ड्स हारेको खण्डमा सन् २०१८ मा हुने रुस विश्व कपमा छनोट हुने सम्भावना कमजोर बन्न सक्छ ।

९ समूहमा विभाजित ५४ टोलीमध्ये हरेक समूहको विजेताले स्वतः विश्वकपमा प्रवेश गर्नेछन् । त्यस्तै सबै समूहका गरि उत्कृष्ट ८ टोलीले पुनः प्ले अफमा प्रतिस्पर्धा गर्नेछन् । नेदरल्याण्ड्सका रविन भान पर्सी २ वर्ष पछि पहिलो पटक राष्ट्रिय टोलीमा फर्केका छन् ।

आर्सनल र म्यानचेस्टर यूनाइटेडका पुर्व स्ट्राइकरलाई प्रशिक्षक डिक एड्भोकाटले टोलीमा समेटेपनि राम्रो लयमा रहेका टोटेनह्यामका भिन्सेन्ट जान्सेनले सुरुआती ११ मा स्थान पाउने सम्भावना छ ।अघिल्लो विश्व कपमा तेस्रो स्थान हासिल गरेको डच टोली २०१६ को यूरो कपमा छनोट हुन सकेको थिएन । यस पटक विश्व कपमा स्थान बनाउन डच टोलीलाई आजको खेल निकै महत्वपूर्ण रहनेछ ।

छनोट अन्तर्गत युईएफएका अन्य खेलहरु
समूह ‘ए’ – बुल्गेरियाविरुद्ध स्विडेन , लग्जेम्बर्गविरुद्ध बेलारुस
समूह ‘बी’ – हंगेरीविरुद्धस्लाट्भिया , पोर्चुगलविरुद्ध फरोए आइल्याण्ड, स्विजरल्याण्डविरुद्ध एण्डोरा
समूह ‘एच’ – बेल्जियमविरुद्ध गिब्रेल्टार , साइप्रसविरुद्ध बोस्निया, ग्रिसविरुद्ध इस्टोनिया

सम्पूर्ण खेल नेपाली समय अनुसार रातको १२ : ३० मा सुरु हुनेछ ।