पोर्टो एलेर्गे (एजेन्सी)– चोटका कारण देखाउँदै फिलिपे कौटिन्होले प्रिमियर लिगमा सिजनको सुरुआत गरेका छैनन् । तर ब्राजिलियन चिकित्सकले चोटभन्दा कोटिन्होलाई तनाब बढी भएको बताएका थिए । ब्राजिलियन कौटिन्होले यो सिजन लिभरपुलबाट खेलेका छैनन्, खासमा उनी बार्सिलोना जान चाहेको लामो समयदेखि चर्चा चलिरहेको छ । तर, क्लबमा भने पछाडि समस्या भएकोले खेल्न नसकेको बताइदै आएको छ ।

ब्राजिलियन टोलीको प्रशिक्षणमा सोमबार नेयमारका साथ कौटिन्हो (दायाँ) ।

कौन्टिहोले यो साता इक्वेडरविरुद्ध हुने विश्व कप छनोटमा भने खेल्ने सम्भावना रहेको छ । सोमबार टोलीको प्रशिक्षणमा उनले पनि भाग लिएका थिए । बाज्रिलियन टोलीका चिकित्सक टोलीका मिचेल सिमोनीले उनको पछाडि चोटको समस्या भन्दा पनि भावनात्मक कारणले बढी विषय पाएको अनुमान बताए ।

‘कौन्टिहोलाईृ पछाडिको समस्या ? अहिले उनी ठिक छन् । तनाबकै कारण पछाडि समस्या भएको हो । यो केही भावानात्मक विषय पनि हो ’ कौटिन्होसँगको भेटपछि सिमोनीले भने, ‘अनिश्चित भविष्यलाई लिएर उनमा केही तनाब छ । अब सबै समाधान भएको छ ।’कौटिन्हो र आफु लामो समयदेखि साथी रहेको उल्लेख गर्दै भने कुनै समस्या हुदा आफैले सल्लाह दिने गरेको सिमोनीले बताए ।

ब्राजिलियन टोलीको प्रशिक्षणमा सोमबार कोटिन्हो । ब्राजिलले बिहीबार विश्व कप छनोटमा इक्वेडरको सामना गर्दैछ ।

बार्सिलोनाको कौटिन्हो किन्ने तीन पटकसम्मको प्रयासलाई लिभरपुलले अस्वीकार गरिसकेको छ । पछिल्लो पटक बार्सिलोनाले १ सय १४ मिलियन पाउन्डको प्रस्ताव राखेको थियो । यद्दपी बार्सिलोनाका पदाधिकारीले भने ट्रान्सफर विन्डो बन्द हुनुअघि अझै पनि खेलाडी किन्ने सम्भावना रहेको बताएका छन् ।

‘अहिले पनि हामी उनीसँग छलफल मै छौं । उनी आउने सम्भवना अझै बाँकी छ । हामी यसको सकारात्मक अन्त्य होस् भन्ने चाहन्छौं,’ बार्सिलोनाका सचिव रोर्बेट फर्नान्डेजले भने, ‘ हामी नयाँ खेलाडी प्रस्तुत गर्न सफल हुनेछौं भन्ने विश्वास छ । एक वा दुई खेलाडी अझै आउन सक्छन् । हामी दुईजना सँग सम्पर्कमा छौं ।’