म्यान्चेस्टर (एजेन्सी)– इङ्लिस प्रिमियर लिगको शीर्षस्थानमा रहेको म्यान्चेस्टर युनाइटेडले आज राती लेस्टर सिटीको सामना गर्दै छ । युनाइटेडले पछिल्ला दुवै खेल ४–० को अन्तरले जितेको थियो । लेस्टरको दुई खेलमा एकमा जित र अर्कोमा हार बेहोरेको थियो ।

ओल्ड ट्राफोर्डमा हुने खेलमा युनाइटेडका प्रशिक्षक जोसे माउरिन्हो पछिल्ला खेलको नतिजाको निरन्तरताको अपेक्षा राख्छन् । घरेलु मैदानमा खेलिएको पहिलो खेलमा युनाइटेडले स्वान्सिलाई ४–० ले हराएको थियो भने दोस्रो खेलमा वेस्ट ह्यामसँग उसकै मैदानमा समान नतिजा निकालेको थियो ।

लेस्टरले भने पहिलो खेलमा आर्सनलसँग ४–३ले हार बेहोरेको थियो । ब्राइटनसँगको दोस्रो खेलमा भने लेस्टरले २–० को जित दर्ता गर्न सफल भएको थियो । यसैगरी यही सिजन बढुवा भएको हडस्र्फिल्ड टाउनले साउथह्याम्टनलाई आफ्नो गरेलु मैदानमा स्वागत गर्नेछ । हडस्र्फिल्ड टाउनले म्यान्चेस्टर युनाइटेडझैँ खेलिएका दुवै खेलमा जित हासिल गर्दै आफूलाई लिगको दोस्रो स्थानमा उभ्याएको छ ।

शनिबारको अन्य खेलमा म्यानचेस्टर सिटीले बर्नमोथको सामना गर्ने छ भने लिगको पुछारतिर रहेको क्रिस्टल प्यालेस स्वान्सी सिटीसँग भिड्दै छ । दुवै खेल हारेका न्युकासल युनाइटेड र वेस्ट ह्यामले एक(अर्काको सामना गर्दै छन् । त्यसैगरी पछिल्लो खेलमा बर्नमोथलाई २–० ले हराएको वाटफोर्डले अर्को जितविहीन टोली ब्राइटनसँग खेल्दै छ ।

नेपाली समयअनुसार शनिबारका खेलहरु

-बर्नमोथविरुद्ध म्यानचेस्टर सिटी, ५ः१५ बजे
-क्रिस्टल प्यालेसविरुद्ध स्वान्सी सिटी, ७ः४५ बजे
-हडस्र्फिल्ड टाउनविरुद्ध साउथह्याम्टन, ७ः४५ बजे
-न्युकासल युनाइटेडविरुद्ध वेस्ट ह्याम, ७ः४५ बजे
-वाटफोर्डविरुद्ध ब्राइटन, ७ः४५ बजे
-म्यान्चेस्टर युनाइटेडविरुद्ध लेस्टर सिटी,१०ः१५ बजे