बंगलादेशविरुद्ध गोल गरेपछि साथीहरुसँग खुसी साट्दै आकाश बुढामगर । तस्बिर- बिबेक सुबेदी

दिपेन्द्र पोखरेल
काठमाडौं – नेपाली युवा टोलीले साफ यू १५ फुटबल च्याम्प्यिनसिपको फाइनल पुग्ने सम्भावनालाई बलियो बनाएको छ । सातदोबाटोस्थित एन्फा कम्प्लेक्सको क्रितिम मैदानमा जारी बंगलादेशविरुद्धको सेमिफाइनलको पहिलो हाफमा २–० को अग्रता लिदै अन्तिम दुईमा पुग्ने सम्भावना मजबुद बनाएको हो ।

खेलको पहिलो हाफमा नायक रहे आकाश बुढा मगर । दुवै गोल उनले गरे । छैटौं मिनेटमा पहिलो गोल गरेका आकाशले दोस्रो गोल ३० औं मिनेटमा गरेका थिए । पहिलो गोलको दाजोमा दोस्रो गोल सहज थियो । रन्दिप पौडेलको क्रसमा बंगलादेशका सादेकु जमान फहिमले क्लिर गर्न नसक्दा आकाशले सिक्स यार्ड बक्स बाहिरबाट पहिलो गोल गरे ।

३० औं मिनेटमा दर्शन गुरुङले मैदान बायाँबाट क्रस गरेको बल दिपक भन्डाराले हेड गरे । त्यसमा बंगलादेशका गोलकिपर इमोन हवल्दार र रक्षकबीच समन्वय अभावमा नजिक रहेका आकाशले ट्याप गर्दै गोलअन्तरलाई दोब्बर पारे ।

अग्रता जोगाउन सकेन नेपाल घरेलु मैदानमा फाइदा पुग्नेछ । दुई बर्षअघि नेपालले सोही मैदानमा विमल घर्तीमगरको कप्तानीमा साफ यू १९ फुटबल च्याम्प्यिनसिपको उपाधि जितेको थियो ।हलचोकमा जारी अर्को सेमिफाइनलमा भुटानविरुद्ध भारतले १–० को अग्रता लिएको छ ।