बार्सिलोना (एजेन्सी)– बार्सिलोनाका सुपर स्टार लियोनल मेस्सी र उनीकी श्रीमती एन्टोनेला रोकुजुको लागि यो बर्ष विषय रह्यो । जुनमा यी दुई विवाह बन्धनमा बाँधिएका थिए । उनीहरुको जीवनमा फेरी अर्को खुसियाली थपिने समाचार सार्वजनिक भएको छ ।

स्पेनिस पत्रिका एएसका अनुसार मेस्सीको जोडी तेस्रो सन्तानको पखाईमा छ । यद्दपी अब हुने सन्तान छोरा वा छोरी भन्ने थाहा भएको छैन । मस्सीको जोडीका दुई छोरा छन् । दुई मध्ये माटेवो १ बर्ष र थिएगो ४ बर्षका भए ।

पाँच पटकका बालोन डी’ओर विजेता अर्जेन्टिनाका कप्तान समेत रहेका मेस्सीले बच्चादेखिकी साथीसँग स्वदेश गएर विवाह गरका थिए । उनीहरुको विवाहमा परिवार र अन्य साथीहरु गरेर २ सय ५० जनाको उपस्थिति थियो । जन्मस्थान रोसारियोमा विवाह गरेपछि यी जोडी हनिमुनका लागि एन्टिगुवा र बार्बुडा गएका थिए ।

गए राती च्याम्पियन्स लिग ‘ड्र’ कै दिन मेस्सीको तेस्रो स्तान हुने खबर सार्वजनिक भएको थियो । मेस्सी च्याम्पियन्स लिग ‘ड्र’कै अवसरमा हुने युइएफएले बर्षका उत्कृष्ट खेलाडी समारोहमा भाग लिन मोनाको पुगेका थिए । उनी पनि मनोनयनमा थिए । तर, रियल म्याड्रिडका सुपर स्टार क्रिस्टियानो रोनाल्डोले उनलाई पछि पार्दै लगातार दोस्रो पटक युइएफए बर्षको उत्कृष्ट खेलाडी अवार्ड जितेका थिए ।

मेस्सीका उनका टोलीका अन्य सदस्य शनिबार हुने अल्भेससँगको तयारीमा जुटेका छन् । उनीको प्रभावशाली प्रदर्शनमा गत साता बार्सिलोनाले रियल बेट्सि २–० लाई हराउँदै ला लिगामा उत्कृष्ट सुरुआत गरेको थियो ।