लिभरपुल (एजेन्सी)– लिभरपुल च्याम्पियन्स लिगको समूह चरणका लागि छनोट भएको छ । प्ले अफमा आक्रामक प्रदर्शन गर्दै गए राती जर्मन टोली होफेनहायमलाई ४–२ ले हराउदै लिभरपुलले समूह चरणको यात्रा तय गरेको हो । 

लिभरपुलको जितसँगै पहिलो पटक पाँच इङ्लिस क्लबले च्याम्पियन्स लिगको समूह चरण खेल्ने भएका छन् । पहिलो लेगमा २–१ को अग्रता लिएको लिभरपुलले समग्रमा ६–२ को नतिजा सहित अघि बढेको हो ।

सुरुआतबाट खेलमा हावी भएको लिभरपुलले २१ मिनेटमा ३ गोल गरेको थियो । १० औं मिनेटमा इमरे चानको गोलमा अग्रता लिएको घरेलु टोलीका लागि १८ औं मिनेटमा मोहोम्मद सलाहले गोल गरे । चानले रोबर्टो फर्मिनोको पासमा २१ औं मिनेटमा तेस्रो गोल गरे ।

पाहुना टोलीले मार्क उथको गोलमा अन्तर घटाएको थियो । उनले २८ औं मिनेटको गोल गरेका थिए । ६३ औं मिनेटमा होफेनहायमक पूर्व खेलाडी रोबर्टो फर्मिनोले लिभरपुलका लागि चौथो गोल गरे ।

लिभरपुलको अघिल्ला ३ गोमध्ये १ मा असिस्ट गरेका फर्मिनोले करिब १० यार्डबाट गोल गर्दै लिभरपुलको जित निश्चित गरेका थिए । पाहुना टोली होफेनहायनले स्यान्ड्रो व्याग्नरको हेड मार्फत ७९ औं मिनेटमा गोल गरेपनि पहिलो हाफको उत्कृष्ट प्रदर्शनले लिभरपुल खेल जित्न सफल भएको थियो ।

च्याम्पियन्स लिग प्ले अफको अन्य नतिजा

सिएसकेए मस्को २-० यंग ब्वाइज (३-० समग्र)

एफसी कोपेनहेगन २-१ एफके काराबाक (२-२ समग्र , अवे गोलको नियमले कोपेनहेगन विजयी)

स्टेचेउ  बुचारेस्ट १-५ स्पोर्टिंग लिस्बोन (१-५ समग्र)

स्लाभिया प्रेग ०-० एपोयल निकोसिया (०-२ समग्र)