म्यानचेस्टर (एजेन्सी)– विश्व कीर्तिमानी रकममा बार्सिलोनाबाट नेयमार पेरिस सेन्ट जर्मेन (पिएसजी) पुगेको लामो समय भएको छैन । फेरी बार्सिलोनाकै अर्का सुपर स्टार लियोन मेस्सी नयाँ विश्व कीर्तिमानी रकमसहित इङ्लिस क्लब म्यानचेस्टर सिटी सरुवा हुने चर्चा सुरु भएको छ ।

युरोपियन सञ्चारमाध्यमका अनुसार सिटीले मेस्सीसँग छलफल समेत अघि बढाइसकेको बताइएको छ । मेस्सी आफै पनि बार्सिलोना छाड्ने विषयमा गम्भिर भइरहेको बताइएको छ । सिटी मेस्सीका लागि २ सय ७५ मिलियन पाउन्ड सरुवा रकम खर्च गर्न समेत तयार रहेको उल्लेख गरिएको छ ।

प्रिमियर लिग टोलीका प्रतिनिधिले बार्सिलोना सहरको कुनै एक रेष्टुरेन्टका मेस्सीका प्रतिनिधिसँग भेट गरेको समाचार सर्वजनिक भएको छ । जहाँ विश्व कीर्तिमान सम्झौताको विषयमा छललफल भएको थियो । ३० वर्षे मेस्सीले गत महिना मात्र बार्सिलोनासँग ४ वर्षको सम्झौता नविकरण गरेका थिए । सम्झौता अनुसार उनी संसारकै सबैभन्दा रकम पाउने खेलाडी भएको बताइएको थियो । तर बार्सिलोनाका उपाध्यक्ष जोर्डीी मेस्ट्रले मेस्सीसँगको सम्झौता हुन अझै बाँकी रहेको बताइएको छ ।

सिटी कीर्तिमानी सरुवा रकम तिरेर पनि अर्जेन्टिनाका मेस्सीलाई लाने योजनामा छ । यदि चार वर्षको नयाँ सम्झौतामा उपाध्यक्षले भने जस्तै हस्ताक्षर हुन बाँकी रहेको अवस्थामा बार्सिलोनासँगको मेस्सी अहिलेको सम्झौता अर्को वर्ष टुंगिनेछ । यसपटकको सरुवा बजारबाट मार खेपेको काटलान टोलीले मेस्सीसँग छिट्टै सम्झौता हुने अपेक्षा गरेको छ ।