8 years ago
August 21, 2017
लन्डन (एजेन्सी)– मार्कोस अलोन्सोले दुई गोल गरेपछि चेल्सीले गए राती टोटेनह्यामलाई २–१ ले हराएको छ । सिजनको पहिलो खेलमा निराशाजनक हार बेहोरेको चेल्सीले खेल सकिन २ मिनेट बाँकी रहँदा टोटेनह्यामविरुद्ध निर्णायक गोल गरेको थियो ।
गोल गरेपछि चेल्सीका मार्कोस अलोन्सो ।
अलोन्सोले पहिलो गोल अघि नजिकबाट गरेको हेडर पोस्ट नजिकबाट बाहिरिएको थियो । उनले पहिलो गोल २४ औं मिनेटमा फ्रिकिक मार्फत गरेका थिए ।
स्पर्सले बराबरीको लागि पटक पटक प्रयास गरेको थियो । हेरि केनको प्रहार पोस्टमा लागेर फर्केको थियो भने क्रिस्टियन इरिक्सनको फ्रि किकमा केनको हेडर पोस्ट नजिकबाट बाहिरिएको थियो । अर्को तिर चेल्सीका विलियनको प्रहार पनि पोस्टमा लागेको थियो ।
८२ औं मिनेटमा भने इरिक्सनको फ्रिकिकमा मिचि बाट्सुयीको हेडर आत्मघाती गोलमा परिणत हुँदा खेलमा बराबरी भएको थियो । तर, त्यसको छ मिनेटपछि चेल्सीका फुल ब्याक अलोन्साले हुगो लोरिसलाई बिट गर्दै निर्णायक गोल गरेका थिए ।
साविक विजेता चेल्सीको दोस्रो खेलमा यो पहिलो जित हो । टोटेनह्यामले पहिलो खेलमा जित हासिल गरेको थियो । आइतबार प्रिमियर लिगको अर्को खेलमा नवप्रवेशी हन्डर्सफिल्ड टाउनले न्यू क्यासललाई १–० ले हराएको थियो ।
March 17, 2025
एजेन्सी – शीर्ष स्थानको पेरिस सेन्ट–जर्मेन (पिएसजी) फ्रेन्च लिग वानमा दोस्रो स्थानको मार्सेलाई हराएको छ । मार्सेलाई आइतवार ३-१ ले हराउँदै पिएसजी लगातार १३औं फ्रेन्च लिग उपाधि नजिक पुगेको छ । घरेलु मैदानमा पिएसजीको जितमा उस्मान डेम्बेले, नुनो मेन्डेसले गोल गर्दा मार्सेले १ गोल उपहार स्वरुप दियो । मार्सेका लागि अमिन गुइरिले गोल गरे । […]
March 17, 2025
एजेन्सी – कप्तान लिओनल मेसीको गोल गरेको खेलमा इन्टर मायमी अमेरिकाको मेजर लिग सकर(एमएलएस) मा विजयी भएको छ । मायमीले आइतवार भएको खेलमा एट्लान्टा युनाइटेलाई २-१ ले हराएको हो । मर्सिडिज–बेन्ज स्टेडियममा भएको खेलमा मायमीको जितमा मेसी र फाफा पिकाउल्टले गोल गरे । एटलान्टाका लागि इमानुएल लाटे लाथले गोल गरे । खेलमा अग्रता एटलान्टाले लिएको […]
March 17, 2025
एजेन्सी – इटालियन सिरी ए मा शीर्ष स्थानको इन्टर मिलानले तेस्रो स्थानको एटलान्टालाई हराएको छ । जितसँगै इन्टरले लिगमा स्पष्ट ३ अंकको अग्रता लिएको हो । इन्टरले आइतवार एटलान्टामाथि २-० को जित हात पारेको हो । एटलान्टाको मैदानमा इन्टरकस लागि कार्लोस अगस्टो र लउटारो मार्टिनेजले गोल गरे । ५४औं मिनेटमा इन्टरका अगस्टोले गोल गरे । […]
