म्याड्रिड (एजेन्सी) – रियल म्याड्रिडले स्पेनिस सुपर कप उपाधि जितेको छ । चिरप्रतिद्वन्द्वि बार्सिलोनालाई समग्रमा ५–१ ले हराउँदै रियलले नयाँ सिजनमा दोस्रो उपाधि जितेको हो ।

गए राती भएको दोस्रो लेगमा रियलले बार्सिलोनालाई २–० ले हराएको थियो । पहिलो लेगमा रियलले ३–१ को जित हासिल गरेको थियो । केही दिनअघि म्यानचेस्टर युनाइटेडलाई हराउँदै रियलले युइएफए सुपर कपको उपाधि जितेको थियो ।

टोलीका सुपर स्टार क्रिस्टियानो रोनाल्डो विना पनि रियलले घरेलु मैदानमा बार्सिलोनालाई हराएको थियो । पहिलो लेगमा दोहोरो पहेलो कार्ड पाएका रोनाल्डोमाथि पाँच खेलको प्रतिबन्धका कारण गए रातीको खेल गुमाएका थिए ।

रियल खेलको सुरुवातदेखी बलियो देखिएको थियो। पहिलो लेगमा अन्तिम गोल गरेका असेन्सियोले दोस्रो लेगमा भने पहिलो गोल गरे । खेलको चौ

थो मिनेटमा २५ यार्डबाट असेन्सियोले गोल गर्दै रियललाई अग्रता दिलाएका थिए ।

करिम बेन्जेमाले खेलको ३९ औं मिनेटमा अर्को गोल थपेपनि बार्सिलोनाको खेलमा फर्कने सम्भावना निकै कमजोर बनेको थियो । ब्राजिलियन मार्सेलोको क्रसलाई सहि दिशा दिदै बेन्जेमाले रियलको अग्रतालाई मजबुत बनाएका दिए । दोस्रो हाफमा बार्सिलोनाले सुधारिएको प्रदर्शन गर्यो । लियोनल मेस्सी र लुइस स्वारेज दुवैको प्रहार बारमा लागेर फर्कनु बार्सिलोनाका लागि दुर्भाग्य सावित भयो ।पाएको थियो ।