जाकार्ता (एजेन्सी)– पहिलो हाफमा दुई गोलले पछि परेको नेपाली मिडफिल्डर रोहित चन्दको टोली पर्सिजा जाकार्ताले दोस्रो हाफको पुनरागमन सँगै पार्साटुएन सेपाक्बोला माकासासँथ अंक बाढेको छ ।

इन्डोनेसियाको प्रथम श्रेणीको लिगमा घरेलु मैदानमा भएको खेलमा रोहितको टोलीले २–२ को बराबरी खेलेको हो । चोटका कारण अघिल्ला ४ मध्ये दुई खेल गुमाएका रोहितले मंगलबारको खेल पुरै खेलेका थिए । पाहुना टोली पिएसएमले डच मिडफिल्डर मार्क क्लकको पेनाल्टी गोल मार्फत २२ मिनेटमा अग्रता लिएको थियो । क्लक यसै सिजन स्कटिस लिगको डुन्डी युनाइटेडबाट पिएसएमसँग आबद्ध भएका हुन् ।

त्यस्तै अर्का डच मिडफिल्डर विजान प्लमको गोलमा ३२ औं मिनेटमा अग्रता दोब्बर पारेका थिए । प्लम डच क्लब भिटेसका पूर्व खेलाडी हुन् । उनले लगभग एक दशक डच लिगको शीर्ष श्रेणीमा खेलेका थिए ।

पहिलो हाफमा २–० ले पछि परेको पर्सिजाले दुई ब्राजिलियन फरवार्डले दुई मिनेटको बीचमा गोल फर्काएपछि रोहितको टोलीले खेलमा बराबरी गरेको थियो । डेब्युमा समेत गोल गरेका रेनाल्डो कोस्टाले ६२ औं र त्यसको २ मिनेटपछि ब्रुनो लपेसले पर्सिजालाई बराबरी गोल गरेका थिए । २० खेल पछि पर्सिजा ३२ अंकसँगै छैटौ स्थानमा छ भने ३५ अंक सहित पिएसएम चौथो स्थानमा छ । शीर्षस्थानमा रहेको पर्सिपुराको १९ खेलमा ३७ अंक छ ।