9 years ago
November 23, 2015
काठमाडौं, मंसिर ७ गते ।
अखिल नेपाल फुटबल संघ (एन्फा) का अध्यक्ष गणेश थापालाई फिफको इथिक्स कमिटीले लगाएको प्रतिबन्ध र जरिवाना, म्याच फिक्सिङ प्रकरण, यु– १६ च्याम्पियनसिपमा बढी उमेरका खेलाडी सहभागी गराएको, संघ विधि सम्मत चले/नचलेको, असन्तुष्ट पक्षको निष्कासन, नरेन्द्र श्रेष्ठलाई कार्यावाहक अध्यक्ष बनाइएकोलगायतका विषयमा छानविन गर्न राष्ट्रिय खेलकुद परिषद् (राखेप) ले छानविन समिति गठन गर्ने भएको छ ।
राखेप सदस्य–सचिव केशवकुमार विष्टसहित नेपाली फुटबलको पछिल्लो अवस्था बारे जानकारी लिन मलेसियाबाट नेपाल आएका एएफसीका अन्तर्राष्ट्रिय सम्बन्ध अधिकारी पुरुषोत्तम कट्टेल, युवा तथा खेलकुद मन्त्री सत्यनारायण मण्डल, एन्फा महासचिव धिरेन्द्र प्रधानबीच सोमबार भएको भेटमा सदस्य–सचिव विष्ट आफैले समितिको प्रस्ताव गरेका थिए । सो प्रस्तावलाई भेटमा सहभागी सबैले समर्थन जनाएको राखेपका प्रेस सल्लाहकार रोहित दाहालले जनाएका छन् । दाहालका अनुसार केहि दिन भित्रै समिति बन्ने छ । समितिलाई सत्यतथ्य बुझी प्रतिवेदन पेश गर्न १ महिनाको समय दिइने छ ।
सिंहदरबारस्थित युवा तथा खेलकुद मन्त्रालयमा भएको भेटका दौरान थापाको आर्थिक अनियमितताका विषयमा जुन जुन निकायले छानविन गरिरहेको छ त्यसैलाई जिम्मेवारी दिने तथा एन्फालाई दीर्घकालीन रुपमा असर गर्ने नीतिगत निर्णय नगर्न सहमति भएको सदस्य–सचिव विष्टलाई उद्धृत गर्दै प्रेस सल्लाहकार दाहालले जानकारी गराए । क्यालेन्डर अनुसारको प्रतियोगिता सञ्चालन गर्न भने एन्फालाई रोक नलगाइने दाहालले जानकारी गराए ।
September 18, 2024
सुमन अधिकारी, बुटवल साविक विजेता भूपू सैनिक युवा क्लब ३६ औ संस्करणको पहिलो खेलबाटै बाहिरिएको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा रुपन्देही तिलोत्तमा नगरपालिका कुन्जलापुरस्थित उच्च माविको फुटबल मैदानमा बुधवार भएको उद्घाटन खेलमा गोर्खा ब्याईज क्लबले भूपूसैनिक युवा क्लबलाई ६-२ गोल अन्तरले पराजित गरेको हो । गोर्खा ब्वाइज क्लबले खेल […]
September 18, 2024
काठमाडौं (हाम्रो खेलकुद)- काठमाडौं जिल्ला स्तरीय नकआउट तथा लिग फुटबल प्रतियोगिताको पहिलो बुधवार कुर्दान फुटबल एकेडेमी र बुढानिलकण्ठ फुटबल एकेडेमी विजयी भएका छन्। सानो गौचरणमा भएको पहिलो खेलमा कुर्दानले त्रिशक्ति युवा क्लबलाई पेनाल्टी सुटआउटमा ३-१ ले हरायो। निर्धारित समय ३-३ को बराबरीपछि पेनाल्टी सुटआउटमा कुर्दानले बाजी मारेको हो । अर्को खेलमा बुढानिलकण्ठले जेएफए स्पोर्टसलाई २-० […]
September 18, 2024
काठमाडौं (हाम्रो खेलकुद) – एन्फा महिला लिगमा सुदूरपश्चिम प्रदेशले लगातार छैटौं हार बेहोरेको छ ।बुधवारको दोस्रो खेलमा सुदूर कर्णाली प्रदेशसॅंग ३-० गोल अन्तरले पराजित भयो । एन्फा कम्प्लेक्स सातदोबाटोमा भएको खेलमा कर्णालीलाई जित दिलाउन भुमिका बुढाथोकी, वर्षा ओली र गरिमा राईले गोल गरे । कर्णालीका लागि भुमिकाले २४औं मिनेटमा गोल गर्दै टिमलाई अग्रता दिलाइन् । […]