काठमाडौँ (हाम्रो खेलकुद ) – अर्को महिना ताजकिस्तानविरुद्ध घरेलु मैदानमा हुने एएफसी एसियन कप छनोटको तयारीका लागि नेपाली राष्ट्रिय फुटबल टोली जापान भ्रमणमा छ । शुक्रबार स्थानिय समय अनुसार २ बजे जापान पुगेको टोलीले त्यसै दिन अभ्यास थालेको थियो । 

आज पनि नेपाली टोलीले प्रशिक्षण गरेको टोलीका कप्तान अनिल गुरुङले जानकारी दिए । जापान भ्रमणमा नेपाली टोली विश्व विद्यालय, क्लब र उमेर समूहका टोलीसँग गरी ५ मैत्रीपूर्ण खेल खेल्ने छ ।

एसियन कप छनोट चरणको खेलका लागि अघिल्लो पटक भन्दा यसपटक बढी संख्यामा नेपाली टोलीले मैत्रीपूर्ण खेल खेल्ने अवसर पाउन लागेको हो । एसियन कप छनोट तेस्रो खेलमा नेपालले भदौंमा घरेलु मैदानमा ताजकिस्तानको सामना गर्दैैछ । आइतबार (श्रावण २९) देखि भदौ ३ गते सम्म नेपालले विश्वविद्यालय, क्लब र उमेर समूहका टोलीसँग प्रतिस्पर्धा गर्ने बताइएको छ ।

नेपालले आइतबार जे १ लिगमा खेल्ने गाम्बा ओसाका को यू-२३ टोलसंग पहिलो खेल खेल्नेछ । अखिल नेपाल फुटबल संघ (एन्फा) ले दिएको जानकारी अनुसार नेपालले खेल्ने सम्पूर्ण ५ खेलको नेपाली समयानुसारको तालिका निम्न अनुसार छ ।

नेपाल टोलीको मैत्रीपूर्ण खेल

१. साउन २९ गते- विरुद्ध गाम्बा ओसाका यू २३ , नेपाली समय : दिउँसो ३:४५

२. साउन ३२ गते – विरुद्ध क्वान्सी ग्वाक्विन विश्वविद्यालय, नेपाली समय : दिउसो १: १५

३. भदौ १ गते  – विरुद्ध अमिट्सि स्पोर्टस क्लब, बिहान ६: १५

४. भदौ २ गते -विरुद्ध हनाम विश्वविद्यालय, दिउसो १: १५

५. भदौ ३ गते – विरुद्ध भिसेल कोबे यू १८ ,  दिउसो १२: ४५

जापानमा  प्रशिक्षणरत नेपाली टोली 
गोलकिपर – विकेश कुथु, विशाल श्रेष्ठ, एलेन न्यौपाने
रक्षक – विराज महर्जन, जितेन्द्र कार्की, कमल श्रेष्ठ, राजेन्द्र रावल, दीनेश राजवंशी, मानबहादुर तामाङ, अनन्त तामाङ, विमल बस्नेत, देवेन्द्र तामाङ,
मिडफिल्डर – हेमन गुरुङ, अञ्जन विष्ट, हेमन्त थापा मगर, विक्रम लामा,हेमन गुरुङ, विशाल राई, सुजल श्रेष्ठ, सुनिल बल
फरवार्ड – नवयुग श्रेष्ठ, भरत खवास, अनिल गुरुङ (कप्तान), सुमन लामा, विमल घर्ती मगर
प्रशिक्षक – ग्यातुको कोजी (प्रमुख प्रशिक्षक), राजु शाक्य (प्रशिक्षक), उज्वल मानन्धर (गोलकिपर प्रशिक्षक), रोशन तुलाधर (दोभाषे)
व्यवस्थापक – विराटजंग शाही
चिकित्सक – राजु डंगोल