वाटफर्ड (एजेन्सी) – इङ्गलिस प्रिमियर लिग अन्तर्गत शनिबार भएको खेलमा लिभरपुल र वाटफर्डले ३-३को बराबरी खेलेका छन्। खेलमा अग्रता लिएपनि लिभरपुलले अन्तिम समयमा गोल खाएको थियो।

खेलको आठौं मिनेटमा स्टेफानो ओकाकाले गोल गर्दै घरेलु टोली वाटफर्डलाई खेलमा सुरुवाती अग्रता दिलाएका थिए। उनले जोसे होलेबासको कर्नरमा प्रहार गरेको हेडर गोलरक्षक मिनोलेटले बचाउन खोज्दा असफल रहेका थिए। लिभरपुलका लागि २९ औं मिनेटमा सादियो मानेले बराबरी गूल गरेका थिए। उनले मिडफिल्डर एम्रे च्यानसँग पास खेल्दै गोल गरेका थिए। तर, त्यसको १ मिनेट पछिनै वाटफर्डले पुन: अग्रता लियो। अब्दुलाए डोकुरेले डिफेन्सले क्लिएर गर्न नसकेको बलमा ६ यार्ड बक्सभित्र बाट सजिलै गोल गरेका थिए।

दोश्रो हाफको ५५औं मिनेटमा रोबर्टो फिर्मिनोले पेनाल्टीमार्फत गोल गर्दै खेललाई पुन बराबरीमा ल्याए। वाटफर्डका गोलरक्षक गोमेसले मोहमद सलाहलाई बक्सभित्र लडाएपछि लिभरपुलले पेनाल्टी पाएय्को थियो। त्यसको २ मिनेटपछि नै मोहमद सलाहले गोल गर्दै लिभरपुललाई अग्रता दिलाए। फिर्मिनोले गोलरक्षकलाई चिप गरेर प्रहार गरेको सटमा सलाहले गोल गरेका थिए।

खेलको दोश्रो हाफको इन्ज्युरी समयको तेश्रो मिनेटमा वाटफर्डका लागि मिगुएल ब्रिटोसले गोल गरेका थिए। वाटफर्डको कर्नरबाट आएको बलमा गोलरक्षक मिनोलेटले राम्रो बचाउ गर्न नसक्दा गोल भएको थियो।