लन्डन (एजेन्सी)– वायन रुनीले इङ्ल्यान्ड टोलीमा फर्कने मौका पाउने सम्भावना देखिएको छ । आउने दिनमा उनले उच्च प्रदर्शन गर्न सके अर्को बर्ष रसियामा आयोजना हुने विश्व कपमा टोलीमा समेटिने सम्भवना रहन सक्छ । टोलीका प्रशिक्षक गारेथ साउथगेटलाई प्रभावित गर्न सके उनको पुनरागमन हुन सक्नेछ । अहिले भने रुनी इङ्ल्यान्ड टोलीमा छैनन् ।

साउथगेट एभर्टनको बिहीबार हुने युरोपा लिग प्ले अफ हेर्न जाने योजनामा हुनु ३१ वर्षे रुनीका लागि सुखद खबर हुन सक्छ । रुनी यो सिजन म्यानेचस्टर युनाइटेडबाट एभर्टन पुगेका थिए । एभर्टनले बिहीबार हाज्डुक स्पिल्टको सामना गर्नेछ ।

साउथगेट आइतबार प्रिमियर लिगमा युनाइटेड र वेस्ट ह्यामबीच खेल हेर्न ओल्ड ट्राफोड जाने भएका छन् । गोलकिपर जो हार्ट खेल्ने सम्भावना रहेकोले उनको प्रदर्शन हेर्नका लागि साउथगेट त्यो खेल हेर्न जान लागेका हुन् । साउथगेटका सहायक स्टेभ होल्यान्डपनि उनीसँगै जाने बताइएको छ । होल्यान्ड चेल्सीका पूर्व प्रशिक्षक हुन् ।

म्यानचेस्टर सिटीका पूर्व गोलकिपर हार्ट सन् २०१६ यता पहिलो पटक प्रिमियर लिग खेल्ने तयारीमा छन् । साउथ गेटले एभर्टनका जोडर्न पिकफोर्ड, बनर्लीका टोम हेटोन र स्टोक सिटीका ज्याक बटल्यान्ड पनि यो सिजन साउथगेटको नजरमा पर्न सक्ने सम्भावना भएका खेलाडी हुन् ।