पेरिस (एजेन्सी) – पेरिस सेन्ट जर्मेनका ब्राजिलियन फरवार्ड नेयमारले शुक्रबार आयोजित पत्रकार सम्मेलनमा बोल्दै आफुले पैसाको लागि बार्सिलोना छोडेको हल्लालाई झुटो भएको बताएका छन्। उनले आफ्नो भविष्यबारे राम्रोसँग सोचबिचार गरेर पिएसजी आउने निर्णय लिएको खुलासा गरे।

कीर्तिमानी रकममा पिएसजी पुगेका नेयमारले उनले आफु र आफ्नो परिवारको खुशीको लागि बार्सिलोना जाने निर्णय लिएको बताए। ‘मलाई पैसाको लागि बार्सिलोना छाडेको भन्ने मान्छेहरुले मेरो व्यक्तिगत जीवनबारे केहि थाहा छैन। म कहिलेपनि पैसाको पछि लागेको छैन।’

‘म मात्र मेरो खुशीबारे चिन्तित छु र आफुसँगै आफ्नो परिवारको बारे सोचेको छु। म आफ्नो हृदयले भनेको कुरा सुनेर यहाँ आएको हुँ। यदि पैसाको पछि लागेको भए म कुनै अर्को देशमा अर्को लिगमा खेलिरहेको हुन्थें।’

‘मलाई दुख लाग्छ कि मान्छेहरुले यसरि सोच्छन्। म पिएसजीलाई निकै धन्यवाद दिन चाहन्छु किनकि क्लबले म माथि विश्वास राखेको छ। म क्लबले राखेको विश्वासलाई नतिजा दिएर तिर्न चाहन्छु।’

नेयमारलाई क्लबले विश्व कीर्तिमानी २ सय २२ मिलियन युरो रकम तिरेर भित्र्याएको हो। नेयमारले पिएसजीमा रहेर प्रति साता ५ लाख २० हजार पाउण्ड कमाउने छन्। उनको अहिलेको तलब उनले बार्सिलोनामा कमाउने भन्दा करिब दोब्बर बढी हो।