7 years ago
August 4, 2017
एजेन्सी – २०१७/१८को युरोपियन सिजन सुरु हुन अब केहि सातामात्र बाँकी छ। युरोपका क्लबहरु अहिले सिजनको तयारीका लागि प्रि-सिजनका खेल एवं अभ्यास सत्रमा व्यस्त रहेका छन्।
नयाँ सिजनका लागि तयारीसँगै क्लबहरुले आफ्नो टोलीलाई बलियो पार्न नयाँ खेलाडीहरुलाई अनुबन्धन गर्ने क्रम पनि जारी छ। केहि क्लबले मोटो रकम तिरेर आफ्नो क्लबमा नयाँ खेलाडी ल्याएका छन् भने केहिले लोनमा खेलाडी लिने क्रम जारी छ। अहिलेसम्म पुरा भएका शीर्ष ५ महँगा ट्रान्सफरहरु यसप्रकार छन्:
५. एल्क्जेन्डर लाकजेट (लियोनबाट आर्सनल)
फ्रान्सको लिग वनमा दोश्रो सर्वाधिक गोलकर्ता रहेका लाकजेटलाई भित्र्याउन आर्सनलले ५३ मिलियन युरो खर्चेको थियो। उनले आफ्नो डेब्यु खेलमै गोल गरेर समर्थकहरुलाई ठुलो आशा देखाईसकेका छन्।
४. बेन्जामिन मेन्डी (एएस मोनाकोबाट म्यानचेस्टर सिटी)
गत सिजन मोनाकोलाई लिग वन उपाधि जिताउन महत्त्वपूर्ण भूमिका खेलेका मेन्डिलाई ५७.५ मिलियन युरो तिरेर सिटीले भित्र्याएको हो। लेफ्ट डिफेन्स कोहि नभएको अवस्थामा मेन्डिलाई गुआर्डीओलाको टोलीमा चाडै घुलमिल हुनुपर्ने छ।
३. अल्भारो मोराटा (रियल म्याड्रिडबाट चेल्सी)
रियल म्याड्रिडबाट चेल्सी आएका स्पेनिस फरवार्ड मोराटालाई अनुबन्धन गर्न इङ्गलिस क्लबले ६५ मिलियन युरो तिर्यो। रियलमा एकदम कम मौका पाएका मोराटालाई आफुलाई विश्वकप अगाडी सिद्ध पार्ने मौका मिलेको छ।
२. रोमेलु लुकाकु (एभर्टनबाट म्यानचेस्टर युनाइटेड)
गत सिजन एभर्टनबाट खेल्दै प्रिमियर लिगको गोल्डेन बुटमा बलियो दावेदारी प्रस्तुत गरेका लुकाकुलाई भित्र्याउन म्यानचेस्टर युनाइटेडले ८४.७ मिलियन युरो खर्चियो। बेल्जियम राष्ट्रिय टोलीका नियमित सदस्य रहेका लुकाकु युनाइटेडका मिडफिल्डर पल पोग्बाका नजिकका साथी पनि हुन्।
१. नेयमार (बार्सिलोना बाट पेरिस सेन्ट जर्मेन (पिएसजी))
नेयमारलाई बार्सिलोनाबाट भित्र्याउन पिएसजीले विश्व कीर्तिमानी २ सय २२ मिलियन युरो तिरेको हो। नेयमारको आगमनसँगै पिएसजीले आफ्नो महत्त्वपूर्ण खेलाडीहरुलाई पनि क्लबमै राख्न सफल रहेको छ। नेयमारले पिएसजीमा १० नम्बरको जर्सी लगाउनेछन्।
September 26, 2024
सुमन अधिकारी, बुटवल लिस्नु युवा क्लब रुपन्देहीमा जारी ३६ औं झरना रनिङशिल्ड फुटबल प्रतियोगिताको सेमिफाइनलमा पुग्ने पहिलो टोली बनेको छ । स्वर्गिय खगी गुरुङसेनीको पुण्य स्मृतिमा कुन्जलापुरस्थित फुटबल मैदानमा जानकारी प्रतियोगितामा बिहीवार भएको पहिलो क्वाटरफाइनलमा न्यु सिर्जना युथ क्लबलाई ३-१ पराजित गर्दै लिस्नु अन्तिम चारमा पुगेको हो । लिस्नु २ विदेशी खेलाडीसहित मैदानमा उत्रेको थियो […]
September 26, 2024
सुशील पन्त क्षेत्री, चितवन विभागीय डर्बीमा जित निकाल्दै नेपाल पुलिस क्लब गोल्डेन इमिनेन्ट दोस्रो चितवन गोल्डकपको फाइनलमा प्रवेश गरेको छ । दोस्रो सेमिफाइनलमा बिहीवार एपिएफ फुटबल क्लब सडन डेथमा निराश बनाउँदै पुलिस उपाधि नजिक पुगेको हो । त्यस अघि निर्धारित समयको खेल गोलरहित बराबरीमा सकिएको थियो । पेनाल्टी सुटआउटमा ३-३ को बराबरीपछि पुलिसले गत संस्करणको […]
September 26, 2024
काठमाडौं(हाम्रो खेलकुद) – सुदूरपश्चिम प्रदेशलाई हराउॅंदै कोशी प्रदेश एन्फा महिला लिगको दोस्रो चरणमा प्रवेश गरेको छ । एन्फा कम्प्लेक्स सातदोबाटोमा बिहीवार भएको खेलमा कोशीले सुदूरपश्चिमलाई ४-० ले पराजित गरेको हो । दोस्रो चरणमा स्थान बनाउने पाँचौ टोली बन्ने क्रममा कोशीका लागि समिक्षा मगरले २ तथा ममता राउत र कुस्मा राईलेले समान १ गोल गरे । […]