7 years ago
August 3, 2017
लन्डन (एजेन्सी)– इडेन हाजार्ड बार्सिलोना गएको खण्डमा प्रिमियर लिग च्याम्पियन चेल्सीले मोनाकोका स्टार केलियन बाप्पेलाई लिने प्रयास गर्ने भएको छ । १८ वर्षे बाप्पे अहिले युरोपमा सर्वाधिक चासोका स्ट्राइकर मध्येका हुन् । उनले गत सिजन फ्रेन्च च्याम्पियन मोनाकोबाट उच्च प्रदर्शन गरेका थिए ।
मोनाकोका स्टार केलियन बाप्पे
बार्सिलोनाको चिर प्रतिद्वन्द्वि रियल मड्रिडसँगै म्यानचेस्टर सिटीले पनि बाप्पेमाथि चासो देखाइरहेका छन् । स्पेनिस टिभि डोन बालोनले पनि बार्सिलोनाले नेयमारको ठाँउमा हाजार्ड ल्याउन चाहेको उल्लेख गरेका छ । नेयमार छिट्टै पेरिस सेन्ट जर्मेनमा आबद्ध हुने विश्वास गरिएको छ । सोही रिपोर्टमा बार्सिलोनाले हाजार्डलाई भित्राउन चर्को रकम खर्च गर्न पनि तयार रहेको बताइएको छ । रियलले भने पछिल्लो दुई सिजन देखि हाजार्डमाथि आँखा लगाइरहेको छ ।
मोनाकोबाट बाप्पे ल्याउनका लागि लाग्ने रकम तिर्न मद्दत पुग्ने देखिएमा मात्र चेल्सीका रसियन मालिक रोमन अब्रामोभिच हाजार्ड बेच्न तयार हुन सक्छन्। मोनाकोले बाप्पेका लागि १ सय ७८ मिलियन पाउन्ड माग गरेको छ । जुन रकम अहिलेको विश्व कीर्तिमान रकम भन्दा दोब्बर हो । गत सिजन म्यानचेस्टर युनाइटेडले पाउल पोग्बाको लागि विश्व कीर्तिमानी ८९ मिलियन पाउन्ड खर्चेको थियो।
यद्दपी बार्सिलोनाले हाजार्डसँगै लिभरपुलका फिलिपे कौटिन्हो, एटलेटिको म्याड्रिडका एन्टोइन ग्रिज्मन लगायतका खेलाडीमा पनि आफ्नो नजर राखेको छ। बार्सा आफैंले भने बाप्पेलाई ल्याउने चासो देखाएको छैन।
December 29, 2024
हिमाल खरेल,बिर्तामोड झापाको बुद्धशान्तिस्थित जयपुरमा हुने आठौँ संस्करणको नव ज्योति च्यालेन्ज कप फुटबल प्रतियोगिताको तयारी सुरु गरिएको छ । नव ज्योति युवा क्लबको आयोजनामा हुँदै आएको प्रतियोगिता माघ २१ देखि २८ गतेसम्म जयपुरस्थित आदर्श माध्यमिक विद्यालयको खेलमैदानमा हुनेछ । प्रतियोगितामा नेपाल र भारतका ८ टोली सहभागी हुने आज अर्जुनधाराको लंका रिसोर्टमा आयोजित पत्रकार सम्मेलनमा जानकारी […]
December 29, 2024
दिपक बोहोरा, पाँचथर फिदिममा जारी ११ औं फाल्गुनन्द गोल्डकप फुटबल प्रतियोगिताको उपाधिका सोमवार ए डिभिजनका दुई टोली चर्च ब्वाइज युनाइटेड क्लब र मच्छिन्द्र फुटबल बिच हुँदैछ। दुवै टोलीले प्रशिक्षकले उपाधि जित्ने आशा व्यक्त गरेका छन्। फाइनलको अघिल्लो दिन आइतवार प्रि म्याच कन्फ्रेन्समा दुवै प्रशिक्षकले उपाधिको लागि तयार रहेको बताएका हुन् । २०७९ सालमा भएको ए डिभिजन […]
December 28, 2024
पाँचथर (हाम्रो खेलकुद) – फिदिममा जारी एघारौं फाल्गुनन्द गोल्डकप प्रतियोगितामा न्यू रोड टिम (एनआरटी) लाई पराजित गर्दै मच्छिन्द्र फुटबल क्लब फाइनलमा प्रवेश गरेको छ । फिदिम माविको मैदानमा आज भएको अन्तिम सेमिफाइनल खेलमा एनआरटीविरुद्ध १-० को साँघुरो जित निकाल्दै मच्छिन्द्र उपाधि नजिक पुगेको हो । एनआरटी पराजित भएसँगै पूर्वमा चर्च ब्वाइज युनाइटेडले लगातार तेस्रो पटक […]
