सिकागो (एजेन्सी)– रियल म्याड्रिडका स्टार गेराथ बेललाई फेरी पनि चोटले दुःख दिन सक्ने सम्भावना बढेको छ । मंगलबार गोलीगाँठामा असजिलो महसुस भएपनि बेलले अभ्यास छाडेका थिए । एमएलएस अल स्टारविरुद्ध बुधबार सिकागोमा हुने मैत्रीपूर्ण खेलका लागि रियलका खेलाडीले अभ्यास गरेका थिए ।

गत सिजन बेलले चोटको श्रृखंला ने बेहोर्नु परेको थियो । मंगलबार अभ्यासका क्रममा असहज महसुस गरेपछि उनले मैदान छाडेका थिए । वेल्सका खेलाडीलाई फिटनेस सम्बन्धि थप समस्या परेमा  ला लिगा र च्याम्पियन्स लिग च्याम्पियन टोलीमाथि ठूलो धक्का लाग्नेछ । रियलले अर्को साता सुपर कपमा म्यानचेस्टर युनाइटेडको सामना गर्नेछ ।

बेल पछिला महिनाहरुमा गोलीगाँठा र पिडौलाको चोटबाट पटक पटक पीडित भएका थिए । प्रशिक्षक जिनेदिन जिदान बेल विस्तारै खेलम फर्कदा उत्साहित भएका थिए । ‘विस्तारै उनी फर्कदै थिए । त्यो टोलीका लागि सुखद हो । उनले धेरै लामो चोटको सामना गर्नुपर्यो ’ जिदानले भने, ‘प्रि सिजनको सुरुवात देखि राम्रो भइरहेको थियो । प्रदर्शनबाट पनि म दुःखी छैन । किनकी पुरै टोली लयमा छ । ’

बेलले गत सिजन मात्र १७ खेल पहिलो रोजाइमा परेका थिए । कार्डिफमा मेमा भएको युभेन्ट्सविरुद्धको च्याम्पियन्स लिग फाइनलमा पनि बेल बेन्चमा बस्नु परेको थियो । जिदानको टोलीले मंगलबार मेसेडोनियामा युनाइटेडको सामना गर्नेछ । बुधबार रियसलविरुद्धको मैत्रीपूर्ण खेलमा अलस्टारबाट काका, बास्टियन स्वान्सटाइगर र टिम हवार्ड उत्रनेछन् ।