काठमाडौँ (एजेन्सी) – अखिल नेपाल फुटबल संघले साफ यू१८ फुटबल प्रतियोगिता र एएफसी यू१९ च्याम्पियनसिपको छनोट चरणलाई लक्षित गर्दै ३५ सदस्यीय टोलीको घोषणा गरेको छ। यसअघी प्रारम्भिक छनोटमा ७२ जना खेलाडी रहेकोमा प्रशिक्षक छिरिङ लोप्साङले ३५ खेलाडीको नाम घोषणा गरेका हुन्।

तस्बिर: एन्फा

प्रशिक्षण टोलीमा लोप्साङसँगै पुस्कर शाही र गोलरक्षक प्रशिक्षक मृगेन्द्र मिश्र पनि रहेका छन्। प्रारम्भिक टोलीको छनोट जेठ महिनामा सम्पन्न ललित स्मृति यू-१८ फुटबल प्रतियोगितामा गरेको प्रदर्शनको आधारमा गरिएको थियो। त्यसयता टोलीले करिब डेढ साता प्रशिक्षण गरेपछि ३५ खेलाडीको नामावली सार्वजनिक गरिएको हो।

टोलीमा पछिल्लो पटक यू१६ राष्ट्रिय टोलीमा रहेका खेलाडीको बाहुल्यता रहेको छ।

३५ सदस्यीय पूर्ण टोली:

गोलरक्षक: अर्पण कार्की, सोजित गुरुङ, संदेश गुरुङ, आकाश रानाभाट, अविशेक बराल

डिफेन्डर: विश्वास उदास, असिम भुषाल, बिकाश खवास, राजन गुरुङ, सुमन अर्याल, दिपेन्द्र बुढा, आशिष केसी, आकाश श्रेष्ठ, निराजन महर्जन, रोमन लिम्बु

मिदिफिल्डर: अशोक थापा मगर, दिनेश हेन्जन, अविशेक रिजाल, अनिल महर्जन, सेसेहाङ आङदेम्बे, संजय ठकुरी, रमेश बर्तौला, एरिक विष्ट, राम वजी, राजिभ लोप्चन, मनिष थापा, रोशन पहरी

फरवार्ड: रेजिन सुब्बा, दिपेश आले मगर, प्रेजेन तामाङ, धिरज श्रेष्ठ, ओम प्रकाश सिंह, राजेश परियार, अजय दनुवार, कमल देउबा