7 years ago
July 28, 2017
स्पेन (एजेन्सी) – स्पेनिस क्लब बार्सिलोनाका स्टार फरवार्ड नेयमारलाई यस सिजनको ट्रान्सफर विन्डोमा फ्रान्सेली टोली पेरिस सेन्ट जर्मेन (पिएसजी)ले विश्व कीर्तिमानी रकममा अनुबन्धन गर्ने प्रयास गर्दैछ। नेयमारले आफ्नो स्थितिको बारेमा खुलेर नबोलेपनि दुवै क्लबका प्रतिनिधिहरुले भने नेयमार आफ्नो क्लबमा आउने/रहने पक्का भएको दाबी गरेका छन्।
यसैबीच विदेशी मिडियाले पनि नेयमारको ट्रान्सफर भएमा पिएसजीले विश्व कीर्तिमानसँगै नेयमारलाई विश्वकै सबैभन्दा बढी कमाउने खेलाडी बनाउने प्रयास गरिरहेको लेखेका छन्। यद्दपी नेयमारले उक्त प्रस्ताबलाई अस्विकार गर्नुपर्छ भन्नेको जमात पनि ठुलै छ। नेयमारले बार्सिलोना छाडेर पिएसजी जानुपर्ने ५ कारणहरु के होलान् त?
१. बार्सिलोनामा नेयमारको भूमिका
बार्सिलोनामा नेयमारले सधैं विङ्गरको रुपमा खेल्दै आएका छन्। ब्राजिलमा खेल्दा स्ट्राइकरका रुपमा आफ्नो छुट्टै पहिचान बनाएका उनले अवसर पाउँदा पनि त्यसमा राम्रो प्रदर्शन गरेका छन्। तर लियोनेल मेस्सी र लुइस सुआरेज हुँदाहुँदै उनले स्ट्राइकरको भूमिका निभाउन पाएका छैनन्। दुवै खेलाडी अझै लामो समय बार्सिलोना बस्ने पक्का भएकाले उनले सधैं विङ्गरकै भूमिका निभाउनु पर्ने हुन्छ।
२. पिएसजीमा मुख्य खेलाडी हुने मौका
पिएसजीमा गएको खण्डमा नेयमार टोलीको मुख्य खेलाडी हुने निश्चित छ। नेयमारले त्यहाँ रहेर आफुले खेल्न चाहेको पोजिसनमा खेल्न पाउँछन्। यसबाहेक उनले पिएसजी गएको खण्डमा आफुलाई टोलीको नेताका रुपमा पनि स्थापित गर्न पाउने सम्भावना रहेको छ।
३. ठुलो पैसा आउने
पिएसजीमा अनुबन्धित भएमा नेयमारले मोटो रकम कमाउने निश्चित छ। पिएसजीले उनलाई भित्र्याउन २ सय २२ मिलियन युरो खर्चिन तयार रहेको खबर आइरहँदा उनको तलब पनि ५ लाख पाउण्ड भन्दा बढी रहने बुझीएको छ। यसबाहेक उनले बोनस लगायत अन्य रकममा पनि बढोत्तरी पाउनेछन्।
४. पिएसजीमा आफ्नै इतिहास बनाउने
नेयमारले पिएसजीमा गएर सफलता हात पार्ने सम्भावना राम्रै छ। यदि उनले पिएसजीमा गएर केहि ठुलो उपलब्धि हात परेमा आफ्नो नाम क्लबको इतिहासमा लेखाउने अवसर पाउनेछन्। नेयमार पिएसजी गएको खण्डमा उनि क्लबमा खेल्ने अहिलेसम्मकै उत्कृष्ट खेलाडी हुने अवसर पनि रहेको छ। यस्तो अवस्थामा नेयमारले पिएसजी जाने विकल्प पनि लिन सक्छन।
५. ब्यालोन डी’ओरको सपना
ब्यालोन डी’ओर जित्न नेयमारले बार्सिलोना छाड्नुको विकल्प छैन। जबसम्म बार्सिलोनामा मेस्सी र सुआरेज रहन्छन त्यसबेला सम्म नेयमार ति दुइ खेलाडीको छायाँमा परेर खेल्नुपर्छ। यसो गर्दा नेयमारले ब्यालोन डी;ओर जित्ने सम्भावना लगभग असम्भव रहन्छ। त्यसैले पिएसजीमा गएर आफुलाई मुख्य खेलाडीका रुपमा स्थापित गरेर सफकता हात पारेमा उनले व्यक्तिगत उपाधि जित्न सक्नेछन्।
December 28, 2024
एजेन्सी – इङ्ग्लिस प्रिमियर लिग(इपिएल) मा रेलिगेसन जोनमा रहेको इप्स्वीच टाउनलाई हराउदै आर्सनल दोस्रो स्थानमा उक्लिएको छ । शनिवार विहान घरेलु मैदानमा आर्सनलले १-० को जित हासिल गरेको हो । घरेलु टोली आर्सनलका लागि खेलको २३औं मिनेटमा काई हाभर्ट्जले गरेको गोल नै निर्णायक हुनपुग्यो । जितसँगै आर्सनल १८ खेलमा ३६ अंकका साथ दोस्रो स्थानमा उक्लिएको […]
December 27, 2024
दिपक बोहोरा, पाँचथर ए डिभिजन लिग च्याम्पियन चर्च ब्वाइज युनाइटेड ११ औं फाल्गुनन्द गोल्ड कप फुटबल प्रतियोगिताको उपाधि नजिक पुगेको छ । आयोजक फिदिम स्पोर्टिङ क्लबलाई शुक्रवार ३- १ गोलले हराउँदै चर्च ब्वाइज फाइनल पुगेकोश हो ।चर्च ब्वाइजले गत साता झापा कपको उपाधि जितेको थियो । फिदिम माविको मैदानमा अग्रता जोगाउन नसक्दा फिदिम निराश बन्न […]
December 27, 2024
एजेन्सी – इंग्लिस प्रिमियर लिगमा विजयी यात्रालाई जारी राख्दै लिभरपुल शीर्ष स्थानमा थप मजबुत बनेको छ। उपाधिको मुख्य दाबेदार लिभरपुलले बिहीवार लेस्टर सिटीलाई ३-१ ले पराजित गर्यो। लिभरपुलले १-० ले पछि परेको खेल उल्टाएको थियो। लिभरपुलको जितमा कोडी गाक्पो,कर्टिस जोन्स,मोहमद सलाहले गोल गरे। एनफिल्डमा भएको खेलमा जोर्डन एयेको गोलले लेस्टरले छैटौं मिनेटमा अग्रता लियो । […]
