काठमाडौँ (हाम्रो खेलकुद) – एएफसी यू२३ च्याम्पियनसिपको छनोट चरण अन्तर्गत नेपालले आज समूह चरणको अन्तिम खेल खेल्दै छ। दुवै खेलमा पराजित भएको नेपाली टोलीले शुन्य अंक रहेको अर्को टोली लेबनानसँग अन्तिम खेल खेल्दैछ।

लेबनानविरुद्धको खेलमा पछिल्लो २ खेलमा पहेंलो कार्ड पाएका कारण फरवार्ड अन्जन बिष्ट उपलब्ध हुने छैनन्। प्रशिक्षक राजु काजी शाक्यले उनको स्थानमा सन्जोग राइ अथवा सुनिल बललाई उतार्ने सम्भावना रहेको छ। यसैगरी मिडफिल्डमा पनि नेपाली टोलीले राम्रो प्रदर्शन गर्न सकेको छैन। पहिलो खेलमा हेमन-हेमन्तको जोडी ४३ मिनेट टिकेको थियो भने दोश्रो खेलमा पुजन-हेमनको जोडी ३३ मिनट टिक्यो। सेन्टर मिडफिल्डमा प्रशिक्षक शाक्यले सुमन लामालाई पनि खेलाउन सक्नेछन्।

यता डिफेन्समा भने पछिल्लो खेलमा तुलनात्मक रुपमा सुधार आएपछि सोहि सेटले खेल्ने प्रबल सम्भावना छ। पछिल्ला दुवै खेलमा गोलरक्षक एलनको प्रदर्शनमा खासै सुधार नआएकाले किशोर गिरिले पनि मौका पाउन सक्नेछन्। नेपालको छनोट को सम्भावना समाप्त भइसकेको कारणले गर्दा पनि प्रशिक्षक शाक्यले नयाँ अनुहारलाई मौका दिन सक्नेछन्।

सम्भावित सुरुवाती ११:

किशोर गिरि

दिनेश राजवंशी – अनन्त तामाङ – गौरब बुढाथोकी – कमल श्रेष्ठ

सुनिल बल – सुमन लामा – हेमन गुरुङ – विश्वास श्रेष्ठ

सन्जोग राइ – विमल घर्ति मगर (कप्तान)