मनितालाई कास्य पदक

काठमाडौँ (हाम्रो खेलकुद) – किर्गिस्तानको विश्केकमा जारी ११औं एसियन क्याडेट तथा १८औं जुनियर एसियन जुडो च्याम्पियनसिप अन्तर्गत ५७ केजी तौल समूहमा नेपालकी मनिता श्रेष्ठ प्रधानले कास्य पदक जितेकी छिन्। उनले सहभगिता जनाएको विधामा ९ देशका १० खेलाडीको सहभागिता रहेको थियो।

मनिताले पहिलो बाउटमा मित्रराष्ट्र भारतकि सावित्रीलाई गोल्डेन स्कोरमा वाजारी लिएर जितेकी थिइन्। दोश्रो राउण्डमा उज्वेकिस्तानकि सुल्तोनोभा सानोबरबाट एयान्सेत्सु वजा लगाएर मनिता पराजित हुन् पुगेकी थिइन्। तर कास्य पदकका लागि भएको खेलमा भने उनले तजिक्सितनकि गुलोवेभा फजिलतलाई इपन स्कोरमा र त्यसपश्चात उज्वेकिस्तानकि मामेडोभा अमिनलाई ३ वाजारी अंक ल्याउँदै कास्य पदक पक्का गरेकी थिइन्।

यसैगरी पुरुष ६० केजी तौल समूहमा नेपालका किरण गदेल इरानका सेदिघी मोहम्मद रेजाबाट हंसुक पेनाल्टीबाट पराजित हुन पुगे। ६६ केजी तौल समूहमा इन्द्र बहादुर श्रेष्ठ आयोजक राष्ट्रका तुर्दुवेभ एर्तुरसँग ३ वाजारी अंकबाट पराजित भए।