एजेन्सी – नेपाली यू२३ राष्ट्रिय टोली हाल एएफसी यू२३ च्याम्पियनसिपको छनोट चरण खेल्न संयुक्त राज्य ईमिरेट्स (युएई) पुगेको छ। बिहिबार युएई पुगेको टोलीले ४१ डिग्रीको गर्मीमा सेफ बिन महम्मद रंगशालामा प्रशिक्षण गरेको थियो।

अल आइन पुगेपछि कप्तान विमल

नेपालको तुलनमा युएईमा अहिले अत्याधिक मात्रामा गर्मि बढेको छ। यसले खेलाडीहरुमा खेलमा केहि असहजता हुने पक्का छ। नेपालमा अहिले सामान्यतया तापक्रम २० देखि २५ डिग्री सेल्सियसको बिचमा रहेको छ। तर, युएईमा भने टोलीले ४०-४५ डिग्री सेल्सियसको तापक्रमको सामना गर्नुपर्ने अवस्था रहेको छ।

मौसम पूर्वानुमानका अनुसार शनिबार नेपालले खेल्ने पहिलो खेलमा तापक्रम ४१ डिग्री सेल्सियस रहने अनुमान गरिएको छ। घरेलु टोली युएईको विरुद्ध खेलिने पहिलो खेलमा पाहुना टोली नेपाललाई ४० डिग्रीको चर्को गर्मीले खेलमा कठिन हुने निश्चितप्राय छ। नेपाली टोलीले बिहिबार केहि हल्का अभ्यास गरेको थियो भने शुक्रबार पनि अभ्यास गर्ने कार्यक्रम रहेको छ।

नेपाली टोलीले शनिबार हुने पहिलो खेलमा नेपाली समयानुसार रातको ८:१० बजे आयोजक युएईको सामना गर्दैछ। दोश्रो खेलमा सोमबार त्यसै समयमा उज्बेकिस्तान र नेपालले खेल्नेछन्। अन्तिम खेल भने लेबनानसँग रातको ११:०० बजे बिहिबार खेलिनेछ।

रातको समय भएपनि युएईमा तापक्रम भने खासै तल नझर्ने मौसमविदहरुको अनुमान रहेको छ। नेपालले खेल्ने समयमा सबै खेलका दिन ४० डिग्रीभन्दा माथि तापक्रम रहने अनुमान रहेको छ।