7 years ago
July 13, 2017
एजेन्सी – म्यानचेस्टर युनाइटेडमा सन् २०११बाट अनुबन्धित भएका बेल्जियन मिडफिल्डर अदनान जानुजाज ६ वर्षको उतारचढावले भरिपूर्ण युनाइटेडसँगको सम्बन्धलाई तोड्दै रियल सोसिडाड पुगेका छन्। १८ वर्षको उमेरमै सर एलेक्स फर्गुसनले युनाइटेडको सिनियर टिममा राखेका जानुजाजले रोनाल्डोका उत्तराधिकारीका रुपमा हेरिएको थियो।
रियल सोसिडाडले ९.८ मिलियन पाउण्ड तिरेर जानुजाजलाई क्लबमा भित्र्याएको हो। सन् २०१३मा युनाइटेडको सिनियर टिमबाट डेब्यु गरेका जानुजाजले लामो समयसम्म भने पहिलो रोजाईमा खेल्न सकेनन्। उनको प्रदर्शनमा सुधार नआएपछि उनलाई युनाइटेडले विगतका दुइ सिजनमा बोरुसिया डर्टमुण्ड र सन्डरल्याण्डमा लोनमा पठाएको थियो। गत सिजन जानुजाजले सन्डरल्याण्डबाट खेल्दा खराब प्रदर्शन गरेसँगै टोली पनि प्रिमियर लिगबाट तल्लो डिभिजनमा घटुवा भएको थियो।
सन् २०१३मा युनाइटेडका लागि डेब्युमा २ गोल गर्दै खेलमा पछाडी पारेको युनाइटेडलाई २-१को जित दिलाएका थिए। त्यसबेलाका प्रशिक्षक डेबिड मोएसले जानुजाजलाई प्राथमिकतामा राख्दै उनलाई त्यस सिजन ३५ खेल खेलाएका थिए। तर, त्यसपछि को सिजनमा लुईस भान गालको आगमनसँगै उनले २१ खेलमा मात्र अवसर पाए। भान गालको टोलीमा पर्न असफल रहेपछि उनलाई क्लबले अर्को सिजनको बिचमा डर्टमुण्ड पठाएको थियो।
एक समय युनाइटेडको एकेडेमीमा उत्कृष्ट प्रदर्शन गर्दै एलेक्स फर्गुसनलाई प्रभावित पारेका जानुजाजलाई समर्थकहरुले रोनाल्डोको उत्तराधिकारी मान्दै आएका थिए। तर उनको खस्कँदो प्रदर्शनले उनलाई ला लिगामा छैटौं स्थानमा रहेको रियल सोसिडाडसम्म पुर्याएको छ।
September 24, 2024
काठमाडौं(हाम्रो खेलकुद) – संकटा क्लबलाई हराउँदै बागमती युथ क्लबले एन्फा महिला लिगको दोस्रो चरण प्रवेशको सम्भावना बलियो बनाएको छ । आफ्नो आठौं खेलमा तेस्रो जित निकाल्नेक्रममा बागमतीले मंगलवार संकटामाथि ३-१ को जित हासिल गरेको हो । एन्फा कम्प्लेक्स सातदोबाटोमा भएको दिनको दोस्रो खेलमा बागमतीलाई जित दिलाउन गिफ्टी अचालिगंपोगले २ तथा पुष्पा कुमारी खड्काले १ गोल […]
September 24, 2024
सुशील पन्त क्षेत्री,चितवन आयोजक हानामी भरतपुर फुटबल क्लब बिएफसीलाई स्तब्ध पार्दै नेपाल पुलिस क्लब गोल्डेन इमिनेन्ट दोस्रो चितवन गोल्डकप फुटबल प्रतियोगिताको सेमिफाइनलमा प्रवेश गरेको छ । अन्तिम क्वाटरफाइनलमा पुलिसले मंगलवार बिएफसीलाई पेनाल्टी सुटआउटमा ५-३ ले पराजित गर्दै पुलिस सेमिफाइनलमा स्थान पक्का गरेको हो । त्यस अघि निर्धारित समयको खेल २-२ को बराबरी सकिएको थियो । […]
September 24, 2024
सुमन अधिकारी, बुटवल आयोजक झरना स्पोर्ट्स क्लब रुपन्देहीमा जारी ३६ औं झरना रनिङशिल्ड फुटबल प्रतियोगितामा विजयी भएको छ । मंगलवार भएको खेलमा देवदह ब्वाइज एफसीलाई ५-१ ले पराजित गर्दै झरना समूह बीबाट क्वाटरफाइनलमा प्रवेश गरेको छ । एक विदेशी खेलाडीसहित मैदानमा उत्रेको झरनाले खेल सुरु भएको तेस्रो मिनेट मै गोलको सामना गरेको थियो।देवदहका सुरज थापाले […]