एजेन्सी – कोपा अमेरिका उपाधि जितेको चिलीले बुधबार हुने  फिफा कन्फेडेरेसन कप अन्तर्गत पहिलो सेमिफाइनल खेलमा पोर्चुगलको सामना गर्दैछ। युरोपेली च्याम्पियनसिपको उपाधि जितेको पोर्चुगललाई निराश पार्दै चिली फाइनल पुग्ने धुनमा हुनेछ।

समूह ‘बी’को उपविजेता बन्दै सेमिफाइनल पुगेको चिलीले प्रतियोगितामा अझैसम्म हारको सामना गर्नपरेको छैन। पहिलो खेलमा क्यामरुनलाई २-०ले पराजित गरेपनि पछिल्ला २ खेलमा भने अंक बाँडेको थियो। जर्मनीसँग १-१को बराबरी खेलेको चिलीले अन्तिम खेलमा अष्ट्रेलियासँग पनि १-१कै बराबरी खेल्दै सेमिफाइनलमा स्थान बनाएको थियो।

चिलीको लागि भने टोलीमा केहि समस्या रहेको छैन। अष्ट्रेलियाविरुद्धको खेलमा डिफेन्डर ग्यारी मेडेल चोटका कारण विश्राममा बसेका थिए। प्रशिक्षक जुआन एन्टोनियो पिज्जीले यस खेलका लागि मेडेल उपलब्ध रहने बताएका छन्। यसैगरी अष्ट्रेलियासँगको खेलमा कप्तान एवं गोलरक्षक क्लाउडियो ब्राभोले पनि पुनरागमन गरेका छन्। पहिलो २ खेलमे वैकल्पिक खेलाडीका रुपमा बेन्चमै रहेका उनले पोर्चुगलविरुद्ध सुरुवात गर्ने सम्भावना प्रबल छ।

चिलीको सम्भावित सुरुवाती एघार:

क्लाउडियो ब्राभो (कप्तान)

मौरिसियो इस्ला – ग्यारी मेडेल – गोन्जालो जारा – कार्लोस मेना

मार्सेलो डिआज

जोसे अरान्गुइज – हर्नानडेज

आर्टुरो भिडाल

एडुआर्डो भार्गास – एलेक्सिस स्यान्चेज