7 years ago
June 27, 2017
एजेन्सी – पोर्चुगलको राष्ट्रिय फुटबल टोलीका कप्तान एवं स्पेनी क्लब रियल म्याड्रिडका स्टार फरवार्ड क्रिस्टियानो रोनाल्डो हाल आफ्नो राष्ट्रको लागि फिफा कन्फेडेरेसन कप खेलिरहेका छन्। जारी प्रतियोगिताको समूह चरणका तिन खेलमा रोनाल्डोले २ गोल र एक असिस्टको योगदान दिएका छन्।
३२ वर्षीय फरवार्ड रोनाल्डो सन् २००९मा म्यानचेस्टर युनाइटेड छाडेर रियल म्याड्रिड पुगेका थिए। त्यसअघि सन् २००३ देखि २००९ सम्म रोनाल्डोले सर एलेक्स फर्गुसनको प्रशिक्षकत्वमा म्यानचेस्टर युनाइटेडबाट खेलेका थिए। युनाइटेडबाट उत्कृष्ट प्रदर्शन गरेका रोनाल्डोले प्रिमियर लिगमा एकै सिजनमा ४० गोल गर्ने किर्तिमान पनि कायम गरेका थिए। रोनाल्डो लेफ्ट विङ्गरको रुपमा खेल्दै आफ्नो करियरमा धेरै यस्ता किर्तिमान आफ्नो नाम लेखाएका छन्।
हाल पोर्चुगलबाट खेल्दा मुख्य स्ट्राइकर (नम्बर ९)को भूमिका निभाइरहेका रोनाल्डो त्यस भूमिकामा खुसि नरहेको उनीसँगै म्यानचेस्टर युनाइटेडबाट खेलेका रियो फर्डीनान्डले बताएका छन्। ‘उनि मुख्य स्ट्राइकरका रुपमा खेल्दा खुसि देखिंदैनन्। विंगरका रुपमा खेल्दा पाइने समय र ठाउँ उनले स्ट्राइकर खेल्दा पाउँदैनन्। विंगरको भूमिकामा खेल्दा रोनाल्डोले मैदानको छेउबाट भित्रतर्फ बल ल्याउने कला अद्भुत छ। त्यो कला बिचमा खेल्दा बिरलै देख्न पाइन्छ।’
‘रोनाल्डोले बल पाउँदा विपक्षी खेलाडीहरुलाई बल फुस्काउन निकै गार्हो हुन्छ। उनले जस्तोसुकै परिस्थितिमा पनि गोल वा असिस्ट गर्ने क्षमता राख्दछन्। अहिलेको अवस्थामा उनिजस्तो खेलाडी सायदै यस संसारमा अरु कोहि होलान्।’
पोर्चुगलले बुधबार हुने सेमिफाइनलमा चिलीको सामना गर्दैछ। रोनाल्डोले अर्को सिजन रियल म्याड्रिड छाड्ने हल्ला व्यापक रहेको बेलामा युनाइटेड फर्कने सम्भावना बलियो रहेको बुझिएको छ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]