साउदीमा नेपाली क्लबबीच नकआउट फुटबल सुरु

काठमाडौं (हाम्रो खेलकुद)– इदको अवसरमा साउदी अरबमा रहेका नेपाली समुदायबीचको नकआउट फुटबल प्रतियोगिता आइतबार सुरु भएको छ । न्यू अन्नपूर्ण स्पोर्टस् क्लब र नेपाली ब्वाइज युथ क्लबको संयुक्त आयोजना भएको फुटबल प्रतियोगिताको पहिलो दिन समूह ‘क’ बाट विजयी हुँदै आयोजक न्यू अन्नपूर्ण, एक्स्ट्रा एफसी, संघिय ११, फ्रेन्ड्सिप एफसी र युनाइटेड एफसी अघिल्लो चरणमा पुगेका छन् ।

त्यस्तै युनाइटेड ब्लू एफसी, न्यू स्टार नेपाली, जन प्रवासी युवा क्लब, पाण्डा स्पोर्टस र युवा स्पोर्टस् पनि विजयी हुँदै समूह ‘ख’बाट अर्को चरणमामा पुगेको साउदी अरबबाट रविन गुरुङले हाम्रो खेलकुलाई जानकारी दिएका छन् । तीन दिन सम्म चल्ने प्रतियोगिताको उद्घाटन गैर आवासिय नेपाली संघ साउदीका अध्यक्ष नारायण पासवालले गरेका थिए । प्रतियोगितामा ३० टोलीको सहभागिता रहेको छ ।
प्रतियोगितो को विजेता टोलीले १ लाख ११ हजार १ सय ११ र दोस्रो हुने टोली ७७ हजार ७ सय ७७ रुपैयाँ प्राप्त गर्नेछन् । दमाम नाबियास्थित प्रिन्स नायाफ स्पोर्टस् रंगशालामा जारी प्रतियोगिताको सर्वोत्कृष्ट खेलाडी, उत्कृष्ट गोलकिपर, रक्षक, मिडफिल्ड, फरवार्ड र उच्च गोलकर्तालाई पनि पुरस्कृत गरिने बताइएको छ ।