यू-१९ साफको तयारी पुरा

अखिल नेपाल फुटबल संघले (एन्फा) यू-१९ साफ च्याम्पियनसिप फुटबलको सम्पूर्ण तयारी पूरा भएको छ। प्रतियोगितको सम्पूर्ण खेलहरु सातदोबाटो स्थित कृतृम घासे मैदानमा खेलाईने छ । प्रतियोगिता अगस्त २० देखी अगस्त २८ सम्म चल्ने छ ।

भुटान र माल्दिभ्सलाई ठमेलस्थित मनाङ होटेलमा तथा नेपाल, बंगलादेश, भारत र अफगानिस्तानलाई गोदावरीस्थित होटेल भ्यु भृकुटीमा बसोबासको व्यवस्था गरिएको छ।

च्याम्पियनसिप सञ्चालनका लागि ७८ करोड रुपैयाँ खर्च हुने एन्फाले जनाएको छ । जसका लागि दक्षिण एसियाली फुटबल महासंघ (साफ) ले ५० हजार अमेरिकी डलर उपलब्ध गराएको छ। नपुग रकम दर्शक शुल्कबाट जुटाइने तुलाधरले बताए।

पाँच हजार दर्शक क्षमताको एन्फा प्यारापिटमा विशिष्टतर्फ पाँच सय र साधारणतर्फ दुई हजार पाँच सयमात्र दर्शक राखिनेछ। दर्शक शुल्क तीन सय र दुई सय कायम गरिएको एन्फाले जनाएको छ। यस च्याम्पियसिपलाई विनाशकारी भूकम्पपछि बिग्रिएको नेपालको छविलाई चिर्ने विश्वास गरिएको छ।