काठमाडौँ (हाम्रो खेलकुद) –विश्वकै सबैभन्दा अग्लो ठाउँमा फुटबल खेलिएको प्रतिस्पर्धात्मक फुटबल खेलको किर्तिमान तोड्न ‘इक्वेल प्लेइङ फिल्ड’ नामक संस्थासँग आवद्ध रहेर नेपाली राष्ट्रिय फुटबल टोलीकी सदस्य दिपा अधिकारी तान्जानिया पुगेकी छिन्।

तान्जानियास्थित किलिमान्जरो पहाड १९ हजार ३ सय ३० फिट अग्लो रहेको छ। सीएनएनले जनाए अनुसार खेलाडीहरु पहाडको टुप्पोसम्म पुग्नेछन् र फर्किएर १८ हजार ७ सय ९९ फिटमा ९० मिनेटको खेल खेल्नेछन्।  प्रतिस्पर्धात्मक खेल खेलेर नयाँ विश्वकिर्तिमान कायम गर्न २० राष्ट्रका राष्ट्रिय खेलाडीहरुको उपस्थिति रहनेछ।  नेपालको तर्फबाट भने मिडफिल्डर दिपा अधिकारी त्यहाँ पुगेकी छिन्। टिम भोल्कानो र टिम ग्लेसियर नामक २ टोलीले त्यहाँ रहेर खेल खेल्नेछन्।

महिलाहरुले पुरुषहरुको तुलनामा खेलकुदमा कम मात्रामा सहयोग पाउने हुनाले त्यसमा जागरुकता जगाउन त्यस संस्थाले यो कदम चालेको हो। यसबाट संस्थाले करिब ४० हजार अमेरिकी डलर अनुदान उठाउने लक्ष्य राखेको छ। खेलमा सहभागिता जनाउन अमेरिकी पुर्व राष्ट्रिय खेलाडी लोरी लिन्ड्से, इंग्ल्यान्डकि पुर्वखेलाडी रेचल अनिट, मेक्सिकोकि पुर्वकप्तान मोनिका गोन्जालेज लगायतका खेलाडी रहेका छन्।

७ देखि १० दिन लगाएर पहाडको चुचुरो पुग्ने लक्ष्य संस्थाले राखेको छ। खेल २४ वा २५ जुनमा खेलिने जनाइएको छ।  खेलको लागि फिफाले पनि सहयोग गरेको छ।

उक्त खेलमा सहभागी हुने खेलाडी र रेफ्रीहरुको नाम यसप्रकार छ: