एजेन्सी – ६ महादेशका च्याम्पियन टोलीसँगै विश्वकप विजेता र आयोजक टोलीले खेल्ने फिफा कन्फेडेरेसन कप २०१७ रसियाको सोचिमा  हुँदैछ। शनिबारबाट सुरु हुने यस प्रतियोगितामा पोर्चुगल युरो कप विजेताको हैसियतले सहभागी हुँदैछ।

प्रशिक्षक फर्नान्डो सान्टोसले रियल म्याड्रिडका स्टार फरवार्ड क्रिस्टियानो रोनाल्डोको कप्तानीमा घोषित टोलीमा युरो २०१६को फाइनलमा गोल गरेका एडर र युरो २०१६का उत्कृष्ट युवा खेलाडी रेनाटो स्यान्चेस परेनन्।

पोर्चुगलको टोलीमा नानी, पेपे, रिकार्डो करेज्मा, जोआओ मौटिन्हो, ब्रुनो आल्भेस, रुइ प्याट्रीसियो, लगायतका सिनियर खेलाडीको पनि उपस्थिति रहनेछ। बार्सिलोनाका आन्द्रे गोमेस र मोनाकोका बर्नार्डो सिल्भा पनि टोलीमा अटाएका छन्।

समूह ‘ए’मा रहेको पोर्चुगलले आयोजक रसियासँगै मेक्सिको र न्युजील्याण्डको सामना गर्नेछ।

पूर्ण टोली:

गोलरक्षक: बेटो, जोसे सा, रुइ प्याट्रीसियो

डिफेन्डर: ब्रुनो आल्भेस, सेड्रिक सोआरेस, एलिसेउ, जोसे फोन्ट, लुइस नेटो, नेल्सन सेमेडो, पेपे, राफेल गुरेरो

मिडफिल्डर: एड्रीएन सिल्भा, आन्द्रे गोमेस, ड्यानिलो परेरा, जोआओ मौटिन्हो, पिज्जी, विलियम कार्भाल्हो

फरवार्ड: आन्द्रे सिल्भा, बर्नार्डो सिल्भा, क्रिस्टियानो रोनाल्डो, जेल्सन मार्टिन्स, नानी, रिकार्डो करेज्मा

नेपाली मिति र समयमा कन्फेडेरेसन कपको खेल तालिका हेर्न यहाँ थिच्नुहोस्