स्पेन (एजेन्सी) – स्पेनिस क्लब सिडी सेर्रानोका युवा प्रशिक्षक विपक्षी टोलीलाई २५-० हराएको कारण आफ्नै क्लबको बोर्डबाट बर्खास्त भएका छन्। क्लबको बोर्डले विपक्षी टोलीलाई अपमान गरेको भन्दै प्रशिक्षकलाई क्लबबाट निष्कासन गरेको हो।

क्लबका निर्देशक पाब्लो अल्काइडले प्रशिक्षकले समय अनुसार खेललाई नियन्त्रणमा लिन नसकेपछि यस्तो नतिजा आएको बताए। खेलपछि प्रशिक्षक र बोर्डको मिटिङमा भनाभन भएपछि क्लबले उनलाई बर्खास्त गरेको हो। प्रशिक्षक १० र ११ वर्षको युवा टोलीको मुख्य प्रशिक्षकका रुपमा कार्यरत थिए।

२५ गोल खाने बेनीकालाप भ्यालेन्सिया सहरको टोली हो। प्रतियोगितामा एकदम कमजोर मानिने टोलीले यसअघि पनि ठुलो हार व्येहोर्दै आएको थियो। सामान्यतया अन्य क्लबले १० गोल पछि गोल गन्न छाड्थे भने कतिपय क्लबले आफ्नो कमजोर टोली उतार्दै न्युनतम पास तय गरेर गोल सट प्रहार गर्ने गरेका थिए। उक्त क्लबले सिजनभर कुनै अंक जोड्न सकेन भने कुल २ सय ४७ गोल खाएको थियो।

बर्खास्त हुने प्रशिक्षकका वकिलले भने उक्त खेलमा प्रशिक्षकको कुनै गल्ति नरहेको बताए। “उनले खेलाडीहरुलाई विपक्षीको हाफमा बल नलखेट्न भनेका थिए। तर विपक्षीले कुनै खेलाडी परिवर्तन गरेन र निकै खुला छाडेपछि हाम्रा खेलाडीले गोल गरे।”