स्कटल्यान्ड (एजेन्सी) – इङ्ल्यान्ड गएरातीको भएको विश्व कप छनोटअन्तर्गत खेलमा हारबाट जोगिएको छ । युरोपियन छनोटअन्तर्गत इन्जुरी समयमा कप्तान ह्यारी केनले गोल गरेपछि इङ्ल्यान्डले स्कटल्यान्डलाई २–२ को बराबरीमा रोक्दै अपराजित यात्रालाई कायम राखेको हो ।

सुरुवाती अग्रता जोगाउन नसक्दा इङ्ल्यान्डले दबाब खेप्नु परेको थियो । ७० औं मिनेटमा एक्लेक्स चेम्बरलेनको गोलबाट इङ्ल्यान्डले अग्रता लिएको थियो । तर, खेलको अन्त्यतिरको तीन मिनेट स्कटल्यान्डका लागि सुखद रह्यो ।

खेलको ८७ औं मिनेटमा लेइघ ग्रिफथ्सले गोल गर्दै खेललाई १–१ को बराबरीमा ल्याएका थिए । त्यसको तीन मिनेटपछि ९० औं मिनेटमा ग्रिफथ्सले अर्को गोल थपेपछि स्कटल्यान्डलाई २–१ को अग्रता बनयो । तर, इन्जुरी समयमा तेस्रो मिनेटमा केनले गोल गरेपछि इङ्ल्यान्डको हार टरेको थियो ।

बराबरीसँगै समूह ‘एफ’ मा इङ्ल्यान्डको ६ खेलमा १४ अंक पुगेको छ । समूहको शीर्षस्थानमा रहेको टोलीले ४ खेल जितेको टोलीले २ खेलमा बराबरी गरेको छ । समान खेलबाट ८ अंक जोडेको स्कटल्यान्ड चौथो स्थानमा छ । समूहको अर्को खेलमा स्लोभानियाले माल्टालाई २–० ले पराजित गरेको थियो । स्लोभाकिया १२ अंकसहित दोस्रो र स्लोभानिया ११ अंकसहित तेस्रो स्थानमा छ ।