सबिन शेर्मा
झापा – विर्तामोड युनाइटेडले प्रथम हल्दिबारी गाँउपालिका गोल्ड कप फुटबल प्रतियोगिताको उपाधि जितेको छ । सैनिक युथ क्लबलाई मंगलबार २–० ले हराउँदै विर्तामोडले उपाधि जितेको हो । विर्तामोडको जितमा विशाल राई र आशिष चौधरीले गरेका थिए ।

फाइनलको म्यान अफ दी म्याच विर्तामोडका योगेश गुरुङ भए र उनले २ हजार रुपैयाँ प्राप्त गरे । जलथल एफसीले आयोजना गरेको प्रतियोगिताको विजेताले १ लाख १ हजार १ सय ११ रुपैयाँ र दोस्रो हुने टोलीले ५१ हजार १ सय ११ रुपैयाँ प्राप्त गर्यो । विर्तामोडका योगेश गुरुङ फाइनल अफ दी म्याच घोषित भएर उनले २ हजार रुपैयाँ प्राप्त गरे ।

सैनिकका गणेश हेर्मुम प्रतियोगिताका सर्वोत्कृष्ट खेलाडी घोषित भए । त्यस्तै विर्तामोडका विशाल मुखिया उत्कृष्ट गोलकिपर, सैनिकका दिलेन लोक्तान उत्कृष्ट रक्षक, विर्तामोडका पुजन उपरकोटी उत्कृष्ट मिडफिल्ड र सोही क्लबका विशाल राई उत्कृष्ट फरवार्ड चुनिए ।

प्रतियोगितामा गणेश हेर्मुम, विर्तामोडका विशाल र विक्की चौधरी उच्च गोलकर्ता बने । सर्वोत्कृष्टले र उच्च गोलकर्ताले समान ६ हजार तथा उत्कृष्टले समान ४ हजार रुपैयाँ प्राप्त गरे । जेठ १६ गतेदेखि सुरु भएको प्रतियोगितामा ८ टोलीको सहभागिता रहेको थियो ।