सैनिक क्लब हल्दिबारी गोल्ड कपको फाइनलमा

सबिन शेर्मा
झापा – सैनिक फुटबल क्लब प्रथम हल्दिबार गाँउपालिका गोल्ड कप फुटबल प्रतियोगिताको फाइनलमा पुगेको छ । झापा ७ सरनामतीलाई ३–१ ले हराउँदै सैनिक फुटबल क्लब उपाधि नजिक पुगेको हो । सैनिकले युवा जागृति एफसी धरान र विर्ता युनाइटेडबीचको विजेतासँग मंगलबार फाइनल खेल्नेछ ।

शनिबार सैनिकका लागि गणेश हेम्रुमले २ र विकेश लिम्बुले अर्को गोल गरेका थिए । सरनामतीका लागि सुरज कार्कीले गोल गरे । म्यान अफ दी म्याच घोषित सरनामतीका सुरजले २ हजार रुपैयाँ प्राप्त गरे । प्रतियोगिताको विजेताले १ लाख १ हजार १ सय ११ रुपैयाँ र दोस्रो टोलीले ५१ हजार १ सय ११ रुपैयाँ पाउनेछ ।

त्यस्तै प्रतियोगिताको सर्वोत्कृष्ट खेलाडीले ६ हजार तथा उत्कृष्ट गोलकिपर, रक्षक, मिडफिल्ड, फरवार्ड र प्रशिक्षकले समान ४ हजार रुपैयाँ पाउनेछन् । जलथल एफसीको आयोजनामा जारी प्रतियोगितामा युवा जागृति र विर्ता युनाइटेडबीच दोस्रो सेमिफाइनल आइतबार हुनेछ ।