7 years ago
June 1, 2017
काठमाडौं (हाम्रो खेलकुद)– अखिल नेपाल फुटबल संघ (एन्फा) ले केही समयअघिबाट प्रसारणमा आएको एपी वान एच डी टेलिभिजनसँग प्रत्यक्ष प्रसारसहित फुटबलको मार्केटिङ र प्रायोजनको आधिकारका लागि बार्षिक १ करोड ७५ लाख रुपैयाँको सम्झौता गरेको छ । एन्फा र एपी वानबीचको सम्झौता तीन बर्षको रहेको बताइएको छ ।
बिहिबार राजधानीमा आयोजित कार्यक्रममा एन्फाका अध्यक्ष नरेन्द्र श्रेष्ठ र एपि वानका प्रबन्ध निर्देशक लक्ष्मी प्रसाद पौडेलले सम्झौता पत्रमा हस्ताक्षर गरे । सम्झौता अनुसार एपी वानले अब एन्फाले आयोजना गर्ने प्रतियोगिताहरूको प्रचारप्रसार आफै गर्नेछ भने प्रायोजकहरू पनि आफै खोज्नेछ ।
एन्फाले गराउँने आधिकारिक खेलहरूको प्रत्यक्ष प्रसारण, मार्केटिङ र प्रायोजकको जिम्मा एपी वान टेलिभिजनले लिने छ । एन्फाको स्वीकृतिमा सञ्चालित हुने मोफसलका विभिन्न प्रतियोगितामा सम्झौता नरहेको र एन्फाले वर्षमा कम्तीमा पनि ३० प्रतियोगिता आयोजना गर्न पाउनुपर्ने प्रावधान छ । यस्तै विश्व फुटबल महासंघ (फिफा) र एसियाली फुटबल महासंघ (एएफसी) को आयोजना हुने प्रतियोगितालाई भने एपी वानले प्रत्यक्ष प्रसारण मात्रै गर्न पाउने सम्झौता भएको एन्फा अध्यक्ष श्रेष्ठले जानकारी गराए ।
नेपाली फुटबलको लागि सुखद दिन भएको उल्लेख गर्दै श्रेष्ठले एन्फासँग एपी वानलाई जोड्न पाउँदा खुसी महशुस भइरहेको बताए । अध्यक्ष श्रेष्ठले प्रायोजक पाइसकेकाले अब छिट्टै निकै नै चुनौतीपूर्ण रहेको ‘ए’ डिभिजन लिगको मिति तोकिने बताए । २०७२ को फागुनमा राष्ट्रिय लिग भएपनि ‘ए’ डिभिजन लिग नभएको तीनवर्ष बढी भइसकेको छ । अध्यक्ष श्रेष्ठले भने, ‘छिट्टै नै ‘ए’ डिभिजन लिग क्लबका पधाधिकारीसँग बसेर लिगको नयाँ मिति तोक्नेछौं ।’
एपी वानका प्रबन्ध निर्देशक पौडेलले प्रविधि समयानुसार परिवर्तन भएसँगै नेपाली दर्शकहरूको पनि स्वाद परिवर्तन भएकाले नेपाली दर्शकलाई गुणस्तरिय प्रत्यक्ष प्रसारणको व्यवस्था मिलाउन आफुहरू एन्फासँग जोडिएको बताए ।
सम्झौतासँगै नेपाल र यमनबीच आगामी जेठ ३० गते हुने यमन विरुद्धको खेलको प्रत्यक्ष प्रसारण पनि अब एपी वान टेलिभिजनले नै गर्नेछ।
September 22, 2024
एजेन्सी – जर्मन बुन्डेसलिगामा बार्यन म्युनिखले अपराजित यात्रा कायम राखेको छ । सिजनमा लगातार चौथो जित निकाल्ने क्रममा बायर्नले शनिवार विडर ब्रेमेनलाई ५-० ले पराजित गर्यो । ब्रेमेनको घरेलु मैदानमा भएको खेलमा बायर्नलाई जिताउन माइकल ओलिसीले २ तथा सर्ज नेर्भी, ह्यारी केन र जमाल मुसियालाले समान १ गोल गरे । ओलिसीले २३औं मिनेटमा गोल गर्दै […]
September 22, 2024
एजेन्सी – फ्रेन्च लिग वानमा पेरिस सेन्ट जर्मेन (पिएसजी)ले रेम्ससँग बराबरी खेलेको छ । रेइम्सको मैदानमा आइतवार भएको खेलमा १-१ को बराबरीमा टुंगिएको हो। पिएसजीका लागि औसमाने डेम्बेले बराबरी गोल फर्काएका हुन्। केइटो नाकामुराको गोलमा रेम्सले नवौं मिनेटमा अग्रता बनाएको थियो । ६८औं मिनेटमा डेम्बेलेले बराबरी गोल गरे । बराबरीपछि पनि पिएसजी ५ खेलबाट १३ […]
September 22, 2024
एजेन्सी – रियाल म्याड्रिडले स्पेनिस ला लिगामा स्पान्योलविरुद्ध सहज जित निकालेको छ । आइतवार बिहान भएको खेलमा रियल ४-१ ले विजयी भयो । छैटौं खेलमा रियलको यो चौथो जित हो। घरेलु मैदानमा शान्टियागो बर्नाबेउमा रियललाई जित दिलाउन डानी कार्भाजाल, रोड्रिगो, भिनिसियस जुनियर र केलियन एम्बाप्पेले गोल गरे । स्पान्योललाई रियलले १ गोल उपहार स्वरुप दियो […]