स्पेन (एजेन्सी) – रियल म्याड्रिडका फरवार्ड क्रिस्टियानो रोनाल्डोले अझ पनि म्यानचेस्टर युनाइटेडका दिन सम्झिने बताउछन तर आफ्नो करियरको अन्तिम क्षण रियलमा बिताउने प्रतिबद्धता जनाए ।

युभेन्टस विरुद्ध च्याम्पियन्स लिगको फाइनल खेलको लागि तयार रहेका रोनाल्डोलेआफु स्पेनमा खुसि रहेको बताए। पोर्चुगलका स्ट्राइकर रोनाल्डोले अझै पनि म्यानचेस्टरमा रहदाँको यादहरु सम्झिने बताउछन  । तर उनले म्यानचेस्टरमा फर्किने कुनै योजना नरहेको खुलासा गरे। स्पेनिस टेलेभिजन ला सेक्स्टासँगको अन्तर्वातामा रोनाल्डोले आफु ४१ वर्षको उमेर सम्म रियलबाटै खेलिरहने इच्छा रहेको बताए ।

“म म्याचेस्टरलाई सम्झन्छु , क्लब र फ्यानसँगको विभिन्न पल सम्झनामा छन् , तर म ४० वर्ष कट्दा सम्म रियल म्याड्रिड छाड्दिन”, रोनाल्डोले भने । ३२ वर्ष पुगेका रोनाल्डोले ४१ वर्षसम्म खेल्ने जनाए ।

उनले पछिल्लो पटक रियलसँग अनुबन्धन हुँदा अझै अर्कोपटक अनुबन्धन गर्ने सोच रहेको खुलाए। “मैले पछिल्लोपटक रियलबाट ५ वर्षे सम्झौता गरे र यसको समाप्तिपछि पुन: अर्को यतिनै लामो अनुबन्धन गरेर त्यसलाई पुरा गर्न चाहन्छु।”

रियल म्याड्रिडआएयता रोनाल्डोले २ लग उपाधि ई=जितिसकेका छन् भने तेश्रो च्याम्पियन्स लिग उपाधि पछ्याइरहेका छन्।