एजेन्सी – रियल म्याड्रिड र युभेन्ट्सबीच झन्डै दुई दशकअघि च्याम्पियन लिग फाइनल भएयता फुटबलमा धेरै परिवर्तन आइसकेको छ । विश्वकै चर्चित यी दुई टोलीबीच सन् १९९८ मा च्याम्पियन्स लिग फाइनल भएको थियो । यसपटक पनि यीनै दुई टोलीबीच शनिबार च्याम्पियन्स लिग फाइनल हुँदैछ ।

ब्राजिलका रोनाल्डो त्यति बेला विश्वका महंगा फुटबल खेलाडी थिए । प्रिमियर लिग विजेता समेत रहिसकेको म्यानचेस्टर सिटी इङ्ल्यान्डको तेस्रो डिभिजनमा घटुवा भएको थियो । हाल युरोपका अर्का ठूलो खेलाडीको रुपमा आफुलाई अघि बढाउदै गरेका मोनाकोका किलियान बाप्पे जन्मेका पनि थिएनन् । रियल र युभेन्ट्सबीचको फाइनल भएको छ ६ महिना पनि बाप्पे जन्मेका थिए ।

त्यसबेला र अहिले फुटबलमा धेरै परिवर्तन आएपनि एउटा समनाता भने उस्तै छ । अहिले पनि रियल र युभेन्टस क्लब फुटबलका शक्तिका रुपमा स्थापिन छन् । यसपटक यी दुई टोलीबीच वेल्सको कार्डिफ स्थित राष्ट्रिय रंगशालामा प्रतिस्पर्धा हुँदैछ ।

१९९८ मा यी दुई टोली फाइनलमा भिड्दा विश्लेषकहरुको नजरमा रियल भन्दा युभेन्ट्स बलियो मानिन्थ्यो । अहिले रियललाई बलियो मान्नेहरुको समूह बाक्लो छ । त्यति बेलाको फाइनलमा परेड्राग मिजाटोबिकको एकमात्र गोलमा रियलले युभेन्टसलाई हराउदै च्याम्पियन्स लिग उपाधि जितेको थियो । अहिले ४८ बर्षेका मिजाटोबिक युगोस्लाभियाका पूर्व स्ट्राइकर हुन् । उनले रियलमा तीन सिजन बिताएका थिए ।
सन्तुलित मानिएको युभेन्टसको त्यो लगातार तेस्रो पटकको फाइनल यात्रा थियो । रियलसँग प्रमाणित गर्न बाँकी औसत खेलाडीको साथ थियो । त्यस्तो पृष्ठभूमिमा युभेन्टसको जित अनुमान गर्ने विश्लेषकलाई स्तब्ध पार्दै रियल उपाधि आफ्नो नाममा लेखाउन सफल भएको थियो ।

अहिले रियलको प्रशिक्षण सम्हालेका जिनेदिन जिदान युभेन्टसबाट खेल्थे । यो सिजन चेल्सीलाई प्रिमियर लिग उपाधि दिलाएका प्रशिक्षक एन्टोनियो कोन्टे युभेन्टसबाट दोस्रो हाफमा मैदान प्रवेश गरेका थिए । त्यति बेलाको फाइनल खेलेका रियलका फरवार्ड राहुल गोन्जालेज मात्र २० बर्षका थिए ।

उपाधि सहित रियलका खेलाडी हरु

हाल रियलका प्रशिक्षक जिदान युभेन्टसबाट खेल्दै

रियलका लेजेन्ड राउल २० वर्षका थिए