रोम (एजेन्सी)– फ्रान्सिको टोट्टीले इटालियन क्लब रोमासँगको लामो यात्राको अन्त्य गर्दैछन् । अर्को तिर उनै टोट्टीसँग कुनै बेला खेल्ने अवसर जुरेको रियल म्याड्रिडका पूर्व स्टार डेभिड ब्याकह्यामले बताएका छन् । उनले पुरानो प्रसंग स्मरण गर्दै टोट्टीले आफुलाई रोमामा खेल्न राजी गराइ सकेको बताए ।

टोट्टी आइतबार रोमाबाट अन्तिम पटक उत्रने तयारीमा छन् । इटालियन सिरि एमा रोमाले यो सिजनको अन्तिम खेल जेनोआसँग खेल्दैछ । सिजनको अन्त्यसँगै रोमा छाड्ने र नयाँ चुनौतिमा निस्कने यसअघि नै घोषणा गरिसकेका छन् ।

४० बर्षे टोट्टी टोलीले झन्डै २५ बर्ष लामो रोमाको पहिलो टोलीमा बिताए । म्यानचेस्टर युनाइटेड र रियलका पूर्व स्टार अमेरिकाको एलए ग्यालेक्सीमा भएको समयमा रोमाबाट खेल्न तयार भएको खुलासा गरेका छन् ।

‘म अमेरिका हुँदा रोमामा आवद्ध हुने अवसर मिलेको थियो ’ बेकह्यामले रोमाको वेबसाइटलाई भनेका छन्,‘ त्यसको मुख्य कारण फ्रान्सिस्कोसँगको निकटता तै थियो । उनीसँग त्यो टोलीबाट खेल्न पाउनु विशेष हुने थियो । तर वास्तवमा उनका विरुद्ध मैदानमा उत्रनु झनै बिशेष रहेको थियो । ’

टोट्टी सम्मिलित रोमाले एकपटक सिरिएको उपाधि जित्यो भने ८ पटक दोश्रो स्थानमा रह्यो । दुई पटक इटालियन कप जितेका टोट्टी इटालीले सन् २००६ को विश्व कप जित्दा टोलीमा थिए । त्यस्तै उनी सम्मिलित इटाली युरो २००० को फाइनल पुगेको थियो ।